Artsakhpress

Միջազգային

ՆԱՏՕ-ն ՄՓՀՀՊ-ից դուրս գալու որոշման պատասխանատվությունը դրել է ՌԴ-ի վրա

ՆԱՏՕ-ն Միջին եւ փոքր հեռահարության հրթիռների մասին պայմանագրից դուրս գալու ԱՄՆ որոշման ողջ պատասխանատվությունը դրել է Ռուսաստանի վրա՝ նշելով, որ ՌԴ-ն հավանաբար խախտում է այդ պայմանագիրը, հայտարարել է դաշինքի պաշտոնական ներկայացուցիչ Օանա Լունգեսկուն:

ՆԱՏՕ-ն ՄՓՀՀՊ-ից դուրս գալու որոշման պատասխանատվությունը դրել է ՌԴ-ի վրա

ՆԱՏՕ-ն ՄՓՀՀՊ-ից դուրս գալու որոշման պատասխանատվությունը դրել է ՌԴ-ի վրա
ՍՏԵՓԱՆԱԿԵՐՏ, հոկտեմբերի 21, ԱՐՑԱԽՊՐԵՍ: News.am-ի հաղորդմամբ,  փոխանցում է ՏԱՍՍ-ը։ ՏԱՍՍ-ի հարցին այն մասին, թե արդյոք Վաշինգթոնի գործողությունները կազդեն դաշինքի պետությունների ու քաղաքացիների անվտանգության վրա, նա խուսափել է պատասխանից։
ԱՄՆ նախագահ Դոնալդ Թրամփի որոշումը մեկնաբանելու խնդրանքին ի պատասխան Լունգեսկուն հայտարարել է․ «ՆԱՏՕ-ի գծով դաշնակիցները բազմիցս մտահոգություն են հայտնել Ռուսաստանի կողմից 1987 թվականին ՌԴ-ի ու ԱՄՆ-ի միջեւ կնքված ՄՓՀՀՊ-ի գծով պարտավորությունները բավարար կերպով չկատարելու շուրջ։ Հուլիսին Բրյուսելում կայացած ՆԱՏՕ-ի գագաթնաժողովին դաշնակիցները հայտարարել են ԱՄՆ-ի կողմից պայմանագրի պայմանները կատարելու մասին, այն դեպքում, երբ ՌԴ գործողությունները երկար տարիներ շարունակ մի շարք կասկածներ են հարուցել»։
Նա նաեւ հիշեցրել է բրյուսելյան գագաթնաժողովի ամփոփիչ հայտարարության այն հատվածը, որում դաշինքը մտահոգություն էր հայտնում ռուսական 9М729 հրթիռային համակարգի շուրջ։ «Երկար տարիների հերքումներից ու մշուշից հետո ՌԴ-ն վերջերս խոստովանեց այդ համակարգի գոյության մասին՝ չտրամադրելով ոչ մի բացատրություն եւ չապահովելով թափանցիկություն։ Այս համակարգի առնչությամբ Ռուսաստանի պատասխանի նկատմամբ բավարար վստահության բացակայության պայմաններում ՆԱՏՕ-ի անդամ երկրները ավելի հավանական են համարում, որ ՌԴ-ն խախտում է ՄՓՀՀՊ-ն»։
ՆԱՏՕ-ն 2014 թվականից սառեցրել է քաղաքական երկխոսությունը ՌԴ-ի հետ, որի հետեւանով ՆԱՏՕ—ՌԴ խորհուրդը, որը մինչ այդ հավաքվում էր ամիսը 1-2 անգամ, 4 տարվա ընթացքում 10-ից պակաս հանդիպում է անցկացրել։
Ավելի վաղ ԱՄՆ նախագահ Դոնալդ Թրամփը հայտարարել էր, որ դուրս կգա ՄՓՀՀՊ-ից՝ հընթացս Մոսկվային մեղադրելով պայմանագրի խախտման մեջ:
Միջին եւ փոքր հեռահարության հրթիռների մասին պայմանագիրը ստորագրվել է 1987 թվականի դեկտեմբերի 8-ին խորհրդային առաջնորդ Միխայիլ Գորբաչովի Վաշինգթոն այցի ժամանակ: Առաջին անգամ կրճատվելու էր 500-ից մինչեւ 1000 եւ 1000-ից մինչեւ 5500 կմ հեռահարությամբ հրթիռային սպառազինության մի ամբողջ դաս, այդ թվում է Р-12 եւ Р-14 հրթիռները, որոնք 1962 թվականին ԽՍՀՄ-ն տեղակայել էր Կուբայում, ինչը հարուցել էր Կարիբյան ճգնաժամը:
1991 թվականի մայիսին պայմանագիրն ամբողջությամբ կատարվել էր, այդ ժամանակ ԽՍՀՄ-ն ոչնչացրել էր վերգետնյա բազավորման 1752 բալիստիկ եւ թեւավոր հրթիռներ, ԱՄՆ-ն՝ 859: Փաստաթուղթն անժամկետ բնույթ ունի:
 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ես եմ «Բարձրացած բռունցք, Արցախ-Ղարաբաղ» գողացված տարբերանշանի իրական հեղինակը. Վահե Ֆատտալի բաց նամակը

«Ֆորբսը» հայուհուն ներառել է աշխարհի մինչև 30 տարեկան ամենաազդեցիկ մարդկանց ցանկում

Ստեփանակերտում խոշոր մարզահամալիր կկառուցվի. Արայիկ Հարությունյանը բարեգործական նոր ծրագրերի մասին է հայտարարել

Գյուղական համայնքներում տուն կառուցելու համար նոր փոխառություն կտրվի. պետնախարարը Կարմիր շուկայում խորհրդակցություն է անցկացրել

Վիրավորված եմ ինձ զգում Բելառուսի կողմից մեր պետությանը հասցրած վիրավորանքի համար. Արթուր Աղաբեկյան

Նիկոլ Փաշինյանն այցելել է մարտական հենակետ և հետևել մարտավարական զորավարժությանը

Ինչո՞ւ է հետաձգվել «Հին Երևան» նախագիծը. Արայիկ Հարությունյանը հետաքրքիր մանրամասներ է ներկայացրել

Մահացել է Արթուր Ապրեսովը

Իրանի հետ պատրաստ ենք երկկողմ հարաբերություններ հաստատել. Մասիս Մայիլյան

Search