Artsakhpress

Քաղաքական

Ստեփանակերտ. Ադրբեջանի իշխանությունները ձգտում են վերադարձնել եւ հերոսացնել ահաբեկիչներին

Լեռնային Ղարաբաղի իշխանությունները երբեք դեմ չեն եղել սխալմամբ օտար հողում հայտնված քաղաքացիների փոխանակմանը եւ վերադարձին:

Ստեփանակերտ. Ադրբեջանի իշխանությունները ձգտում են վերադարձնել եւ հերոսացնել ահաբեկիչներին

Ստեփանակերտ. Ադրբեջանի իշխանությունները ձգտում են վերադարձնել եւ հերոսացնել ահաբեկիչներին
ՍՏԵՓԱՆԱԿԵՐՏ, 7 նոյեմբերի, ԱՐՑԱԽՊՐԵՍ: Այս մասին հայտնեց Լեռնային Ղարաբաղի Հանրապետության նախագահի մամուլի խոսնակ Դավիթ Բաբայանը՝ NEWS.am-ի խնդրանքով մեկնաբանելով Ադրբեջանի «Ռազմագերիների, պատանդների եւ անհետ կորածների հարցերով պետական հանձնաժողովի» հայտարարությունը:
«Ոչ մի նորմալ մարդ չի կարող դեմ լինել գերեվարված քաղաքացիների փոխանակմանը: Եվ մենք երբեք չենք ասել, որ դեմ ենք արտայհայտվում նման գործընթացներին: Սակայն պետք է հստակ տարբերակել սխալմամբ օտար հողում հայտնված քաղաքացիներին եւ ահաբեկիչներին»,- նշեց Դավիթ Բաբայանը: Արցախի նախագահի մամուլի քարտուղարն ընդգծեց, որ Ասկերովին եւ Գուլիեւին վերադարձնելու Ադրբեջանի պահանջը չի կարող տեղավորվել մարդասիրության շրջանակներում:
Նա ընդգծեց, որ Բաքվի նպատակները հստակ են՝ փորձել վերադարձնել Ասկերովին եւ Գուլիեւին եւ հետո հերոսացնել նրանց, ինչպես դա տեղի ունեցավ Սաֆարովի հետ:
«Դրան ի պատասխան երկուսը կդառնան ռեժիմի ավելի հավատարիմ ծառաներ, որոնք պատրաստ են ցանկացած հրաման կատարել: Հարեւան երկրի իշխանություններն այդ կերպ ադրբեջանական եղանակով ստեղծում են յուրատեսակ օպրիչնիկների», -ասաց Բաբայանը: Նրա խոսքով, Բաքուն միաժամանակ եւս մեկ խնդիր է լուծում՝ փորձում է պառակտել հայ հասարակությունը:
«Հավանաբար, գերեվարված հայերի հարազատները եւ բարեկամները ինչ-որ պահի կարող են ասել՝ թող փոխանակեն, ազատեն մեր հարազատներին: Թեեւ մի կողմից խոսքը սովորական մարդկանց մասին է, ընդ որում, որոնք խնդիրներ ունեն, եւ մյուս կողմից՝ ահաբեկիչների», - եզրափակեց Բաբայանը:
Հիշեցնենք, որ Ադրբեջանի քաղաքացիներ Շահբազ Գուլիեւը (1968թ. ծնված), Դիլհամ Ասկերովը (1960թ. ծնված), ինչպես նաեւ սպանված երրորդ մասնակից Հասան Հասանովը, ունենալով զենք եւ զինամթերք, 2014թ. հունիսի 29-ին ապօրինաբար հատել էին ԼՂՀ պետական սահմանը  եւ ներխուժել Հանրապետության Շահումյանի շրջանի տարածք՝ հետախուզական գործողությունների նպատակով: 
Տվյալ անձինք հատուկ առաջադրանքով տեղեկություններ էին հավաքել եւ լրտեսական գործունեություն իրականացրել: Ավելին, նրանք զենքի գործադրմամբ հուլիսի 4-ին առեւանգել էին ԼՂՀ անչափահաս քաղաքացի Սմբատ Ցականյանին, որի մարմինը հրազենային վնասվածքներով հայտնաբերվել էր հուլիսի 15-ին Քարվաճառ եւ Մանաշիդ համայնքների միջեւ ընկած անտառային զանգվածում: Բացի այդ, Հասանովը հուլիսի 11-ի երեկոյան Վարդենիս-Քարվաճառ ճանապարհի 32-րդ կմ-ին ազգային ատելության հողի վրա հրազենով սպանել էր Երեւանի բնակիչ Սարգիս Աբրահամյանին (1971թ. ծնված), իսկ Կոտայքի մարզի Ձորաղբյուր գյուղի բնակիչ Կարինե Դավթյանին հրազենային վնասվածքներ էր հասցրել: Նա զինված դիմադրություն էր ցույց տվել ձերբակալման ժամանակ եւ վնասազերծվել:
Նշենք, որ ԼՂՀ ընդհանուր իրավասության առաջին ատյանի դատարանի վճռով Դիլհամ Ասկերովը դատապարտվել է ցմահ, իսկ Գուլիեւն էլ՝ 22 տարվա ազատազրկման: Վերաքննիչ եւ Վճռաբեկ դատարանները դատավճիռն անփոփոխ են թողել:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Ամուլսարը եւ Արցախը կարող է համեմատել միայն տգետ, հիվանդ մարդը կամ դավաճանը. Դավիթ Բաբայան

«Երեմյան Փրոջեքթս»-ը Արցախի զորամասերում սննդի մատակարարում կիրականացնի

Բախվել են «ԳԱԶ-53»-ն ու «Hyundai Sonata»-ն. վերջինս ամբողջությամբ այրվել է. կան վիրավորները (ֆոտո)

Փաշինյանը ներկայացրել է զինծառայողների աշխատավարձերի բարձրացման կոնկրետ ցուցանիշները

Շուշիի շրջանում բախվել են Mitsubishi Pajero-ն և բեռնատար КамАЗ-ը. կա 1 զոհ, 2 վիրավոր. Shamshyan.com

ԿԽՄԿ ներկայացուցիչներն այցելել են Արայիկ Ղազարյանին

Ստեփանակերտի որոշ փողոցներում ժամանակավորապես կդադարեցվի գազամատակարարումը

Հադրութում կկայանա Արցախյան գինու վեցերորդ փառատոնը

Կանոնավոր ջրամատակարարման վերականգնման ուղղությամբ աշխատանքներ են տարվում

Search