Artsakhpress

Սփյուռք

Մոսկվայում կայացել է «Դիվանագիտական ակումբի» աշնանային նիստը՝ նվիրված Հայաստանին

ՌԴ-ում ՀՀ դեսպանությունում նոյեմբերի 8-ին կայացել է ՌԴ ԱԳՆ Դիվանագիտական ակադեմիայի կողմից հիմնադրված «Դիվանագիտական ակումբի» նիստը՝ նվիրված Հայաստանին։

Մոսկվայում կայացել է «Դիվանագիտական ակումբի» աշնանային նիստը՝ նվիրված Հայաստանին

Մոսկվայում կայացել է «Դիվանագիտական ակումբի» աշնանային նիստը՝ նվիրված Հայաստանին
ՍՏԵՓԱՆԱԿԵՐՏ, 9 նոյեմբերի, ԱՐՑԱԽՊՐԵՍ:  Ինչպես  տեղեկացրին ՌԴ-ում ՀՀ դեսպանությունից, նիստին մասնակցել են ՌԴ ԱԳ նախարարության ներկայացուցիչները, ՌԴ-ում հավատարմագրված օտարերկրյա պետությունների դեսպաններ և դիվանագետներ, ՌԴ Դիվանագիտական ակադեմիայի պրոֆեսորադասախոսական անձնակազմի ու այլ կրթագիտական հաստատությունների, ինչպես նաև հասարակական կազմակերպությունների և ԶԼՄ-ների ներկայացուցիչներ։ 
Նիստի բացման խոսքով հանդես են եկել ՌԴ-ում ՀՀ դեսպան Վարդան Տողանյանը, ՌԴ ԱԳՆ Դիվանագիտական ակադեմիայի ռեկտոր Եվգենի Բաժանովը և ՌԴ ԱԳ նախարարության ԱՊՀ երկրների չորրորդ դեպարտամենտի տնօրեն Ալեքսեյ Պավլովսկին։ 
ՌԴ-ում ՀՀ դեսպան Վարդան Տողանյանն իր խոսքում հատկանշական է անվանել Դիվանագիտական ակումբի նիստի անցկացումը դեսպանությունում՝ Արևելյան լեզուների Լազարյան  ինստիտուտի պատմական շենքում,  որի հսկայական գիտական ժառանգությունը հիմք է հանդիսացել Ռուսաստանի Դիվանագիտական ակադեմիայի և այլ գիտական հաստատությունների գործունեության համար։
«Մեզ համար նշանակալի է, որ այսօր դեսպանության ներքո տեղի է ունենում նման նախաձեռնություն։ Դեսպանությունն ու Դիվանագիտական ակադեմիան այսօր շարունակում են սերտ գործակցությունը տարաբնույթ ուղղություններով», - ընդգծել է ՌԴ-ում ՀՀ դեսպանը։
Վարդան Տողանյանը Եվգենի Բաժանովին հանձնել է նաև դեսպանության ոսկե հուշամեդալը՝ գիտական և հումանիտար ոլորտում  հայ-ռուսական կապերի ամրապնդման գործում շարունակական աջակցություն ցուցաբերելու համար։
Իր հերթին ՌԴ ԱԳՆ Դիվանագիտական ակադեմիայի ռեկտոր Եվգենի Բաժանովը ներկաներին փոխանցել է ՌԴ ԱԳՆ ղեկավարության ուղերձն ու խոսել հայ-ռուսական հարաբերությունների մասին։
ՌԴ ԱԳ նախարարության ԱՊՀ երկրների չորրորդ դեպարտամենտի տնօրեն Ալեքսեյ Պավլովսկին, ողջունելով նիստի մասնակիցներին, մասնավորապես, ընդգծել է, որ Դիվանագիտական ակումբը հանդիսանում է կարևոր հարթակ՝ պետական, գիտական և հասարակական տարբեր կառույցների միջև երկխոսության ամրապնդման և հանրային դիվանագիտության խթանման համար։
Հայաստանին նվիրված նիստը վարել են Դիվանագիտական ակումբի գործադիր տնօրեն Սյուզաննա Մկրտիչևան և ՌԴ-ում ՀՀ դեսպանության Մշակութային կենտրոնի տնօրեն Վլադիմիր Գաբբեն։
Նիստը շարունակվել է Հայաստանի մշակույթին և պատմությանը նվիրված շնորհանդեսով։ Դեսպանության պատմական շենքում կազմակերպվել է նաև էքսկուրսիա։ Միջոցառման ավարտին ներկայացվել է Մշակութային կենտրոնի կողմից պատրաստված ծրագիրը։

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանի նախաձեռնած ստորագրահավաքն իրավական տեսանկյունից խնդրահարույց դրույթ է ներկայացնում. ՀՀ բարձրաստիճան պաշտոնյան ներկայացնում է ռիսկերը

Վրաստանում հայ վարորդներին հարվածել են, վնասել բեռնատարները, դեսպանատունը մանրամասներ է հաղորդում

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

1997թ.-ին գլխիվայր շուռ տվեցին ժողովրդի քվեն, բայց ժամանակները փոխվել են. Արթուր Թովմասյանը ողջախոհության կոչ է անում

Սուրբ Նիկողայոս վանքը փոխանցվել է հայ համայնքին

Բակո Սահակյանը ցավակցական հեռագիր է հղել գեներալ-մայոր Ֆելիքս Գզողյանի ընտանիքին

Ադրբեջանցիներին չի հաջողվել տապալել հայ երեխաների ելույթը. միջադեպ` Մոնտենեգրոյում

Ծավալված գործընթացն իր մեջ պարունակում է լուրջ վտանգներ. Դավիթ Իշխանյանը՝ ստորագրահավաքի մասին

Ստեփանակերտի որոշ փողոցներում ժամանակավորապես կդադարեցվի գազամատակարարումը

Search