Artsakhpress

Մշակույթ

Շուշիում կազմակերպվել է մոդելավորման բաժնի ուսանողների աշխատանքների ցուցադրություն

Այսօր՝ նոյեմբերի 9-ին, Շուշիի Արսեն Խաչատրյանի անվան պետական հումանիտար քոլեջի «Հագուստի մոդելավորում» բաժնի ուսանողներն առաջին անգամ ներկայացրել են իրենց կարած հագուստները:

Շուշիում կազմակերպվել է մոդելավորման բաժնի ուսանողների աշխատանքների ցուցադրություն

Շուշիում կազմակերպվել է մոդելավորման բաժնի ուսանողների աշխատանքների ցուցադրություն
ՍՏԵՓԱՆԱԿԵՐՏ, 9 նոյեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ միջոցառմանը Շուշիի Արսեն Խաչատրյանի անվան պետական հումանիտար քոլեջի տնօրեն Ջիվան Հայրապետյանն ասել է, որ ուսանողներն իրենց առաջին քայլն են կատարել սեփական ոճ ստեղծելու բնագավառում:
«Ցուցահանդեսը կրում է «Զարդանախշ և նորաձևություն» խորագիրը: Կարծում եմ՝ հաշվի առնելով, որ նրանց մոդելավորած հագուստները ներկայացվում են առաջին անգամ, պետք չէ խիստ դատել: Սա ուսանողների գրանցած առաջին հաջողությունը կարելի է համարել»,- նշել է Ջ. Հայրապետյանը:
Իր հերթին բաժնի դասախոս Գայանե Մինասյանն ասել է, որ ցուցադրվել են 7 ուսանողների շուրջ 21 կուրսային և դիպլոմային աշխատանքներ:
«Շուրջ մեկ տարի աշխատելով՝ ուսանողները ընտրել են կլասիկ և ռոմանտիկ ոճերը, իսկ մեծ մասում, որն իրենից ներկայացնում է առօրյա հագուստ,  գերիշխող դեկորը զարդանախշն է: Բոլոր նյութերը տրամադրվել են քոլեջի կողմից»,- ավելացրել է Գ. Մինասյանը:
Նրա խոսքով՝  ուսանողներին հնարավորություն է տրվել սեփական երևակայությամբ ստեղծելու ինքնատիպ հագուստ:
«Գաղտնիք չէ, որ նորաձև լինելու ձգտումը ողջ կյանքի ընթացքում ուղեկցում է յուրաքանչյուր կնոջ: Առավել հաճելի է, երբ կինը ինքն է ստեղծում իր ուրույն ոճը ու համապատասխան հագուստը: Առաջնորդվելով Կոկո Շանելի այն իմաստալից արտահայտությամբ, որ ոչ ոք առաջին տպավորությունը ստեղծելու համար երկրորդ հնարավորությունը չի ունենում, նրանք փորձել են տպավորություն գործել հենց իրենց անմիջականությամբ ու ընդգծված համեստությամբ»,- ասել է Գ. Մինասյանը:
Ուսանողների աշխատանքների առաջին ցուցադրությանը ներկա էր նաև ԱՀ մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանը:
Նա, շնորհավորելով երիտասարդ մոդելավորողներին, նշել է, որ ընդամենը 4 տարի է, ինչ գործում է հագուստի մոդելավորման բաժինը, և ողջունելի է, որ հագուստները կարելիս տեղ է տրվել նաև հայկական զարդանախշերին:
«Մենք տեսանք մոդեռն և ավանդական ոճերի համաձուլվածքը: Կարծում եմ՝ առաջիկայում ուսանողները գրանցելու են նոր հաջողություններ: Դրա համար պետք է հետևողական աշխատանք, և այս դեպքում, համոզված եմ, հայրենական արտադրանքը կգնահատվի ըստ արժանվույն»,- ասել է Լ. Հովհաննիսյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ստեփանակերտում դիմավորել են Եվրոպայի առաջնությունից հաղթանակով վերադարձած սամբիստներին (լուսանկարներ)

Հրազենային վիրավորում ստացած պայմանագրային զինծառայողը մահացել է

Համահայկական խաղերի բացումը կլինի Ստեփանակերտում

Լիբիայի ժամանակավոր կառավարությունը ճանաչեց Հայոց ցեղասպանությունը

Թուրքիայի միակ հայկական գյուղում կբացվի երկրի միակ հայկական թանգարանը

Ստեփանակերտի Աստվածամոր Սուրբ Հովանի Մայր Տաճարի բակում կազմակերպվելու է Սուրբ Զատկի տոնին նվիրված միջոցառում

Ուսուցիչների աշխատավարձերի բարձրացման հարցը քննարկման փուլում է. Նարինե Աղաբալյան

Ադրբեջանի ԱԳՆ-ն դիմել է Հայաստանի ԱԳՆ-ին

ԱՄՆ-ի բնակիչը պատահաբար գտած լուսանկարի շնորհիվ բացահայտել է Ցեղասպանությունից մազապուրծ եղած ընտանիքի պատմությունը

Search