Artsakhpress

Սպորտ

Ես  հաղթանակած մարզիկի   իրավունքով  եմ  եկել  Արցախ. աշխարհի չեմպիոն և ռեկորդակիր Սիմոն Մարտիրոսյան

Արցախի ծանրամարտի ասոցիացիայի անդամները և մի խումբ արցախցիներ այսօր Ստեփանակերտի Վերածննդի հրապարակում ծափողջույններով դիմավորել են ծանրամարտի Հայաստանի հավաքականի անդամ, աշխարհի առաջնության չեմպիոն և ռեկորդակիր Սիմոն Մարտիրոսյանին:

Ես  հաղթանակած մարզիկի   իրավունքով  եմ  եկել  Արցախ. աշխարհի չեմպիոն և ռեկորդակիր Սիմոն Մարտիրոսյան

Ես  հաղթանակած մարզիկի   իրավունքով  եմ  եկել  Արցախ. աշխարհի  չեմպիոն և  ռեկորդակիր  Սիմոն Մարտիրոսյան
ՍՏԵՓԱՆԱԿԵՐՏ, 6 դեկտեմբերի, ԱՐՑԱԽՊՐԵՍ: Չեմպիոնի  հետ Արցախ  են  այցելել  նաև ծանրամարտի աշխարհի  առաջնության փոխչեմպիոն  Գոռ  Մինասյանը և ՀՀ  ծանրամարտի  ֆեդերացիայի  քարտուղար, ծանրամարտի Հայաստանի հավաքականի   գլխավոր  մարզիչ  Փաշիկ  Ալավերդյանը:
«Արցախպրես»-ի  թղթակցի  հետ  զրույցում   Ս.  Մարտիրոսյանն  ասել է, որ  երկօրյա   այցի  ընթացքում  իրենք  շփվելու  են   արցախցի  մարզիկների  հետ    և  իրականացնելու՝  փորձի  փոխանակում:
«Ես  ծանրամարտով  12  տարեկանից    եմ  սկսել   զբաղվել:  Առաջիկայում  ունենք ծանրամարտի  Եվրոպայի  և  աշխարհի  առաջնություններ, որոնց համար  պետք է  նախապատրաստական   մարզումներ  իրականացնեմ: Պատվո հարթակ բարձրանալը  հեշտ  չի տրվում  մարզիկին.  դրա  համար  անհրաժեշտ  է  համառություն, կամք, ձգտում և  նվիրում: Շատ  կարևոր  է   նաև   սերտ  համագործակցությունը  մարզիչի    և  մարզիկի  միջև, ինչպես  նաև  համակարգված    մարզումները,-ասել է  Ս.  Մարտիրոսյանը  և  ընդգծել,-  Արցախում  լինելը, ինձ   համար   հպարտություն  է:Ես  հաղթանակած մարզիկի   իրավունքով  եմ  եկել  Արցախ, որի  համար   էլ  շատ  հպարտ  եմ: Մեր այցի  համար   շնորհակալությունս    եմ  հայտնում Արցախի   ծանրամարտի   ասոցիացիայի   նախագահ    Արթուր  Շիրինյանին»:
Ծանրամարտի Հայաստանի հավաքականի   գլխավոր  մարզիչ  Փաշիկ  Ալավերդյանն   էլ   տեղեկացրել է, որ   ինքը   Սիմոնի  հետ  աշխատել  է  5  տարի:
Բնութագրելով     Սիմոնին՝   մարզիչն  ասել է, որ  նա   շատ  սկզբունքային, աշխատասեր, ամուր  ոգու  տեր, հաղթանակի  ձգտող      մարզիկ  է:
Խոսելով  Արցախի  և  Հայաստանի   ծանրամարտի    կառույցների համագործակցության մասին, Փաշիկ Ալավերդյանը  նաև   նշել է,  որ   չնայած  Արցախի  ծանրամարտի   ասոցիացիան    նոր   է  բացվել, սակայն   իրենց   միջև  արդեն   ստեղծվել  են   սերտ  կապեր:
Ըստ Գոռ  Մինասյանի՝   աշխարհահռչակ  սպորտսմենների  Արցախ  այցելելը  ոգեշնչում  է   արցախցիներին՝ նրանց   ևս  մղելով  նոր   վերելքների:   Իրենց   այցը    նաև   կխթանի  Արցախում ծանրամարտի զարգամանն   ու  մասսայականացմանը:
Հիշեցնենք, որ  Սիմոն Մարտիրոսյանը նվաճել է Թուրքմենստանի մայրաքաղաք Աշգաբադում անցկացվող ծանրամարտի աշխարհի առաջնության չեմպիոնի կոչումը։ 21–ամյա ծանրորդը հանդես   է եկել  109 կգ քաշային կարգի A խմբում։ Պոկում վարժությունում օլիմպիական փոխչեմպիոնը 195 կգ արդյունքով նվաճել  է փոքր արծաթե մեդալ՝ 1 կգ հետ մնալով չինացի Ժե Յանգից։ Հրում վարժությունում Սիմոն Մարտիրոսյանը պատվիրել  է 230 կգ և բարձրացրել  առաջին փորձով՝ ապահովելով երկամարտում առաջին տեղը։ Հայ մարզիկը պատվիրել է նաև աշխարհի ռեկորդ 240 կգ, որը եւս բարձրացրել   և   երկամարտում պայքարն ավարտել է  435 կգ արդյունքով, ինչը ևս աշխարհի ռեկորդ է։ 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Միայն գործից անտեղյակը կարող էր 2016 թ․ ապրիլյան պատերազմը «դիվերսիա» անվանել. Վիտալի Բալասանյանը նոր փաստեր է հրապարակում

Վիտալի Բալասանյանը բաց նամակով դիմել է Բակո Սահակյանին

Կտրականապես անընդունելի է Արցախը որևէ պետության մանդատի տրամադրելու հարցը. Էդմոն Մարուքյանը՝ Սամվել Բաբայանին

Բակո Սահակյանը ստորագրել է մի շարք օրենքներ

Ինչպե՞ս հայ պատանին նվաճեց «Голос дети»-ի ժյուրիին եւ ինչո՞ւ ընտրեց Մելաձեին. Միշայի խոստովանությունը` հաղթական ելույթից հետո

Ստեփանակերտում կազմակերպվել է «Երկու պետություն՝ մեկ հայրենիք» խորագրով ֆլեշմոբ (տեսանյութ)

Մեզ համար անկախ պետականությունը բարձրագույն արժեք է. Դավիթ Բաբայանը հակադարձում է Սամվել Բաբայանին

Մենք անկախ պետություն չենք հռչակել, որպեսզի լինենք այլ պետության մանդատի ներքո. խորհրդարանական բոլոր ուժերը հակադարձում են Սամվել Բաբայանին

Համահայկական խաղերն այս տարի կկայանան Արցախում

Search