«Ղարաբաղ Տելեկոմ» ՓԲ ընկերությունը տեղեկացնում է, որ այսուհետ կանխավճարային հեռախոսահամարի բաժանորդները կարող են հեռախոսահամարի հավելյալ ժամկետի ընթացքում (5 օր) լիցքավորել իրենց հաշիվը նաև ՄոբիԴրամի վճարային տերմինալների միջոցով:
«Ղարաբաղ Տելեկոմ»-ը հանդես է եկել նոր առաջարկով
ՍՏԵՓԱՆԱԿԵՐՏ, 12 դեկտեմբերի, ԱՐՑԱԽՊՐԵՍ: Այս մասին «Արցախպրես»-ին տեղեկացրել են «Ղարաբաղ Տելեկոմ» ՓԲԸ մամուլի ծառայությունից:
Ստեփանակերտում ՄոբիԴրամի վճարային տերմինալները տեղադրված են Ազատամարտիկների 18, 21,35, Ադմիրալ Իսակովի 15 («Ղարաբաղ Տելեկոմ»-ի մասնաճյուղ: Առանց միջնորդավճարի), Վարդան Մամիկոնյան 23 («Ղարաբաղ Տելեկոմ»-ի գլխամասային գրասենյակ: Նույնպես առանց միջնորդավճարի), Նելսոն Ստեփանյան 25/2, Նելսոն Ստեփանյան 35, Գրիգոր Լուսավորիչ 8, Վաղարշյան 60/4, Մխիթար Գոշ 3, Մեսրոպ Մաշտոց 4, Սասունցի Դավիթ 22 հասցեներում: Ինչպես նաև Մարտակերտի շրջանի Մատաղիս գյուղում և Կաշենի հանքավայրում:
Աղբյուրի հաղորդմամբ՝ հեռախոսահամարը 100 ՀՀ դրամից 299 ՀՀ դրամ լիցքավորելու դեպքում վավերականության ժամկետն երկարաձգվում է 1 հավելյալ օրով:Լիցքավորման մնացած բոլոր պայմանները մնում են անփոփոխ:
Հիշեցնենք, որ նախկինում բաժանորդները` հավելյալ ժամկետի ընթացքում, կարող էին լիցքավորել իրենց հաշիվը միայն լիցքավորման քարտերի միջոցով:
