ՍՏԵՓԱՆԱԿԵՐՏ, 18 դեկտեմբերի, ԱՐՑԱԽՊՐԵՍ:Այս  մասին   «Արցախպրես»-ի  թղթակցի հետ  զրույցում  ասել է   Ասկերանի  շրջվարչակազմի   գյուղբաժնի վարիչ  Արվիդ  Ղուլյանը  և  նշել, որ համայնքի սեփականություն  է  կազմում 7667 հա-ը, իսկ   պետական  պահուստային  ֆոնդը՝  8442 հա:Բնական  կերհանդակները  կազմում են  17  հազար  502  հա, որից  արոտները՝ 16  հազար  293,5  հա, իսկ   խոտհարքները՝  1208,5  հա: 

«Շրջանում բազմամյա  տնկարկներից  253,6  հա-ը  խաղողայգի  է, 470,4  հա-ը հնդավորներ,  200  հա-ը  թթայգիներ,  իսկ  6231  հա-ն   այլ  հողատեսքեր  են:Մշակվում  է  նաև  637  հա  նռան  այգի, որից  բերքատու  հասակի  է  352  հա-ը: Այս  տարի   Ասկերանի  շրջանում  հասկավոր  հացահատիկային  մշակաբույսերի  ցանքատարածությունները  կազմել  են  11  հազար  903,4  հա, որից  բերքահավաք  է  իրականացվել   11  հազար  487  հա-ի  վրա: Համախառն  բերքը    կազմել  է   22  հազար  994  տ, իսկ միջին  բերքատվությունը՝  20  ց:Հողօգտագործողներն օգտվել են ԱՀ բուսաբուծության համալիր  զարգացման՝  գարնանացան  մշակաբույսերի  ցանքաշրջանառության  խթանման   ծրագրից, որի   շրջանականերում   2365,9  հա-ի  վրա   իրականացվել  է  գարնանացան   մշակաբույսերի    ցանքս՝  նախորդ տարվա   3190  հա-ի   դիմաց: Դրանից  2098,8  հա-ից  է  բերքահավաք    կատարվել»,-մանրամասնել  է  Ա. Ղուլյանը՝ հավելելով, որ շրջանը   գյուղտեխնիկայի  խնդիրներ  չունի. ընթացիկ  տարում    շրջանի  հողօգտագործողները   լիզինգի  կարգով 6  նոր     գերմանական  կոմբայն   են  ձեռք  բերել:  

Ա. Ղուլյանը  նաև  ասել  է, որ  2019  թվականի   բերքի  տակ  շրջանում  կատարվել  է 12  հազար հա հերկ, որից  9600  հա-ը  աշնանացան   հացահատիկայինների  ցանքս, այդ  թվում՝  7321  հա-ը  ցորեն,  2227  հա-ը  գարի  և  100   հա-ն  էլ  հլածուկ: Ներկայումս շրջանի հարթավայրային գոտիներում շարունակվում  են  իրականացվել  աշխատանքները:

«ԱՀ գյուղատնտեսության նախարար Ժիրայր Միրզոյանի գլխավորած պատվիրակությունը վերջերս աշխատանքային խորհրդակցություն է անցկացրել Ասկերանում:Այդ   հանդապիումը  հնարավորություն է  տվել   հողօգտագործողներին  բարձրաձայնել    իրենց  հուզող   խնդիրները»,- նշել  է  Ա. Ղուլյանը:

Խոսելով   շրջանում   առկա   գյուղատնտեսության    ոլորտի խնդիրներից՝    պատասխանատուն  ասել  է,  որ շրջանը    հողերի      ոռոգման   առումով   մեծ    ներուժ  ունի, սակայն    այն ամբողջովին  չի   օգտագործվում: Խնդիրն  այն  է, որ  ոռոգման  համակարգի   կառավարումը գործում  է սխալ, որի պատճառով կորուստներ շատ են   ունենում:  Առաջնահերթ  խնդիրներից  է  նաև  այն, որ բերքահավաքից  հետո  օգտագործվող   արոտավայրերը  հրդեհի   են  մատնվում, որի պատճառով  անասնապահությամբ զբաղվողները կանգնում են  խնդիրների   առաջ: