Artsakhpress

Հասարակական

Շմոլ գազից թունավորված երեխայի կյանքին այլևս վտանգ չի սպառնում. գլխավոր բժիշկ

Հունվարի 8-ին Շուշիի Հախումյան 1/11 հասցեում արձանագրված դժբախտ պատահարի հետևանքով շրջանային բուժմիավորման շտապ բժշկական օգնության մեքենայով ժամը 19:30-ին ԱՀ առողջապահության նախարարության «Արևիկ» մանկական բուժմիավորում է տեղափոխվել 2011 թվականին ծնված Նատալի Ժորիկի Մուսայելյանը:

Շմոլ գազից թունավորված երեխայի կյանքին այլևս վտանգ չի սպառնում. գլխավոր բժիշկ

Շմոլ  գազից  թունավորված  երեխայի   կյանքին   այլևս  վտանգ  չի  սպառնում. գլխավոր  բժիշկ
ՍՏԵՓԱՆԱԿԵՐՏ, 9 հունվարի, ԱՐՑԱԽՊՐԵՍ: Այս  մասին   «Արցախպրես»-ի  թղթակցի  հետ  զրույցում    ասել  է   «Արևիկ»  մանկական բուժմիավորման տնօրեն Մհեր Մուսայելյանը՝ նշելով, որ     երեխայի  մոտ ախտորոշվել է շմոլ գազից թունավորում`  ծանր աստիճանի սոպորոզ վիճակով`  գիտակցության  խորը  խանգարումով:
Մ.  Մուսայելյանի   խոսքով՝   ընդունման  պահին  Նատալին   եղել է ծանր  վիճակում:
«Երեխային   միանգամից   տեղափոխել  ենք  վերակենդանացման բաժանմունք, որտեղ  նա  շարունակում  է ստանալ  համապատասխան բուժում: Երեկոյան  նյարդաբանի և  ակնաբույժի  կողմից  իրականացվել  է  հետազոտություն: Նա  առաջիկա   2  ժամվա  ընթացքում  եղել  է   գրգռված  վիճակում, իսկ  22:00-ից  հետո   երեխայի   վիճակը  սկսել  է  կայունանալ: Պարզ  պատասխանում  է    մեր   կողմից  տրված  հարցերին,  առավոտյան   նախաճաշել  է, բայց  ունի  թեթևակի  քնկոտություն: Ներկայումս  երեխան թոքերի  թեթևակի խնդիրներ  և  ջերմություն  ունի, բայց  դրանք  ժամանակի  ընթացքում  կանցնեն: Ներկայումս երեխայի  կյանքին  սպառնացող   վտանգ  չկա: Վիճակը գնահատվում է կայուն-ծանր»,-մանրամասնել  է Մ.  Մուսայելյանը:
Մեր  զրուցակիցը  նշել  է  նաև, որ    ըստ   երեխայի  պատմածի՝  նրան  գտել  են   անկողնու  տակ  թաքնված:
«Ըստ՝  իս  երեխան  վախից  է  նման  քայլի  դիմել, որի   հետևանքով  էլ   փրկվել  է: Համապատասխան  սարքով շմոլ  գազի   ստուգման  կոնցենտրացիան  կազմել  էր  50  %:  Նման  չափաքանակ   դեռևս  չենք  տեսել,  փոքրիկը   փրկվել  է   հրաշքով»,-նշել  է  Մ.  Մուսայելյանը:
«Արցախգազ» ՓԲ  ընկերությունը  զերծ   է  մնացել  մեկնաբանությունից՝  նշելով, որ   դեպքի  առթիվ  այժմ    քննություն  է տարվում   համապատասխան  մարմինների  կողմից: Ընկերությունից  տեղեկացրել  են, որ   քննությունն  ավարտելուց  հետո  իրենք   հանդես  կգան  պարզաբանմամբ:
Նշենք, որ  հունվարի 8-ին, ժամը 19:05-ին ԱՀ արտակարգ իրավիճակների պետական ծառայության ճգնաժամային կառավարման կենտրոն Շուշիի շրջանային արտակարգ իրավիճակների բաժնից ահազանգ է ստացվել, որ Շուշիի Հախումյան 1 շենքի N11 բնակարանի բնակիչը չի արձագանքում զանգերին ու կանչերին, անհրաժեշտ է փրկարարների օգնությունը: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Ծանր վիրավորում ստացած 21–ամյա Ագանիկ Զորոգլյանը գիտակցության է եկել

Հայտնի են «Վերջին զանգ»-ի առթիվ կայանալիք տոնական միջոցառումների օրերը

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Քոչարյանի ազատությունը երաշխավորած Բակո Սահակյանը եւ Արկադի Ղուկասյանը հաստատել են. կգան դատարան

Search