Ամեն տարի փետրվարի 7-ին Ճապոնիայում նշում են «Հյուսիսային տարածքների օրը»:
Ճապոնիան հրաժարվել է Կուրիլյան կղզիների հարցում «ապօրինի բռնազավթում» ձևակերպումից
ՍՏԵՓԱՆԱԿԵՐՏ, 7 փետրվարի, ԱՐՑԱԽՊՐԵՍ: Հավաքին ավանդաբար մասնակցում են երկրի վարչապետը, արտգործնախարարության ղեկավարը և այլ բարձրաստիճան պաշտոնյաներ: Տոկիոյում Ռուսաստանի դեսպանատան մոտ ցույցեր են անցկացվում՝ Կուրիլյան կղզիները վերադարձնելու պահանջով:
SHANTNEWS.am-ի փոխանցմամբ, այս մասին հաղորդում է РИА Новости լրատվական գործակալությունը, այս տարի առաջին անգամ Կուրիլյան 4 կղզիների մասին խոսելիս Ճապոնիայում դա չեն անվանել Ռուսաստանի կողմից «ապօրինի բռնազավթում»: Ճապոնական լրատվամիջոցները նշում են, որ այդ ձևակերպումից հրաժարումը պայմանավորված է երկու երկրների միջև հարաբերությունների լավացմամբ և խաղաղության պայմանագիր կնքելու շուրջ ակտիվ բանակցություններով:
Ռուսաստանում կղզիները հայտնի են Հարավային Կուրիլյան կղզիներ անվանումով, մինչդեռ Ճապոնիան դրանք անվանում է Հյուսիսային տարածքներ: Թե՛ Ռուսաստանը, թե՛ Ճապոնիան պնդում են, որ կղզիներն իրենց են պատկանում: Տասնամյակների պատմություն ունեցող այս տարաձայնության հետևանքով Երկրորդ աշխարհամարտից հետո երկու երկրների միջև Խաղաղության պայմանագիր դեռ չի կնքվել:
