ՄԱԿ-ի գլխավոր քարտուղար Անտոնիու Գուտերիշը ամենայն ուշադրությամբ հետեւում Է Հնդկաստանի եւ Պակիստանի միջեւ ստեղծված իրադրության զարգացմանը եւ կոչ Է անում երկու երկրների կառավարություններին «առավելագույն զսպվածություն» դրսեւորել:
ՄԱԿ-ի գլխավոր քարտուղարը զսպվածության Է կոչել Հնդկաստանին եւ Պակիստանին
ՍՏԵՓԱՆԱԿԵՐՏ, 27 փետրվարի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին մամուլին հայտնել Է ՄԱԿ-ի պաշտոնական ներկայացուցիչ Ստեֆան Դյուժարիկը:
«Նա (ՄԱԿ-ի գլխավոր քարտուղարը), անտարակույս, շատ ուշադիր հետեւում Է իրադրությանը եւ վեսրտին կոչ Է անում Հնդկաստանի կառավարությանը եւ Պակիստանի կառավարությանը՝ հանդես բերել առավելագույն զսպվածություն, որպեսզի հնարավոր լինի խուսափել իրադրության հետագա վատթարացումից»,- փետրվարի 27-ին Դյուժարիկի խոսքը մեջբերել Է NDTV հեռուստաալիքը:
ՄԱԿ-ի գլխավոր քարտուղարի կոչն արվել Է այն բանից հետո, երբ փետրվարի 26-ի առավոտյան Հնդկաստանի ռազմաօդային ուժերի կործանիչները Քաշմիրի պակիստանյան մասում հարված են հասցրել «Ջաիշ-ե-Մուհամադ» իսլամիստական խմբավորման խոշոր վարժական ճամբարին: Օդային հարձակման հետեւանքով ոչնչացվել են շուրջ 300 զինյալներ, ինչպես նաեւ նրանց պատկանող փոխադրամիջոցները, զենքն ու զինամթերքը:
Մեկնաբանելով տեղի ունեցածը՝ Հնդկաստանի ԱԳ առաջին փոխնախարար Վիջայ Հոքհալեն հայտարարել Է, որ կանխիչ հարվածը «միանգամայն անհրաժեշտ Էր», քանի որ խմբավորումը մահապարտների մասնակցությամբ գրոհներ Էր պատրաստում երկրի տարբեր շրջաններում: Բացի այդ, Նյու Դելիի կարծիքով, Պակիստանը մինչ այժմ ոչ մի գործնական քայլ չի ձեռնարկել իր տարածքում ահաբեկիչների ենթակառուցվածքների ոչնչացման համար:
Եվրամիությունը նախօրյակին կոչ Է արել Հնդկաստանին եւ Պակիստանին՝ զսպվածություն դրսեւորել եւ թույլ չտալ լարվածության սաստկացում: Ինչպես հայտարարել Է ԵՄ-ի դիվանագիտական ծառայության ներկայացուցիչ Մայա Կոսյանչիչը. «Մենք համակ ուշադրությամբ հետեւում ենք իրադարձությունների զարգացմանը Հնդկաստանի եւ Պակիստանի միջեւ հարաբերություններում, շփման մեջ ենք մնում երկու երկրների հետ: Մեր դիրքորոշումն այն Է, որ բոլորն առավելագույն զսպվածություն դրսեւորեն լարվածության հետագա սաստկացում թույլ չտալու համար»:
Համանման կոչով կողմերին դիմել Է նաեւ ԱՄՆ-ի պետքարտուղար Մայք Փոմպեոն:
Հնդկաստանի եւ Պակիստանի հարաբերություններում տիրող ճգնաժամը կտրուկ սրվել Է փետրվարի 14-ին, երբ մահապարտը Հնդկաստանի Ջամուի եւ Քաշմիրի հյուսիսային նահանգում իրեն պայթեցրեց ռազմականացված ոստիկանության ավտոշարասյան մերձակայքում: Գրոհի պատասխանատվությունն ստանձնել Է «Ջաիշ-ե-Մուհամադ» խմբավորումը, որի ղեկավարը՝ Մասուդ Ազհարը, ըստ Նյու Դելիի տեղեկատվության, գործում Է Պակիստանում: Ահաբեկչական գործողության զոհ Է դարձել 45 մարդ: Հնդկաստանի Պակիստանին մեղադրել Է ահաբեկչական կազմավորումներին աջակցելու մեջ, Իսլամաբադն այդ մեղադրանքները հերքել Է որպես «անապացույց»՝ Նյու Դելիին առաջարկելով տեղի ունեցածի համատեղ հետաքննություն անցկացնել, հաղորդել Է ՏԱՍՍ-ը:
