Artsakhpress

Մշակույթ

Արցախցի երեխաները «Art Music» մրցույթ-փառատոնին գրավել են մրցանակային տեղեր

Մարտի 14-ից Երևանում մեկնարկած «Art Music» 10-րդ մրցույթ-փառատոնին մասնակցում են նաև արցախցի երեխաներ, որոնք արդեն գրանցել են հաջողություններ:

Արցախցի երեխաները «Art Music» մրցույթ-փառատոնին գրավել են մրցանակային տեղեր

Արցախցի   երեխաները  «Art Music»  մրցույթ-փառատոնին  գրավել  են  մրցանակային  տեղեր
ՍՏԵՓԱՆԱԿԵՐՏ, 21 մարտի, ԱՐՑԱԽՊՐԵՍ: «Արցախպրես»-ի  թղթակցի  հետ  զրույցում  Հադրութի   շրջանի   Տողի  արվեստի  դպրոցի   տնօրեն  Սուսաննա   Բալայնն  ասել է, որ   մրցույթ-փառատոնին իրենց  կրթօջախից  մասնակցում   է  շուրջ  10  երեխա:
Տնօրենի     խոսքով՝  «Art Music»-ի  նկարչություն  անվանակարգում  մասնակցել  են  շուրջ  250 երեխա, որտեղ    Տողի  արվեստի   դպրոցի  սան  Մարիամ   Շաբուրյանն    արժանացել  է   «Գրան Պրի»  մրցանակի: 
Ժողովրդական  երգ  անվանակարգում  Նարե  Ստեփանայանն  էլ   գրավել է  առաջին  մրցանակային  տեղ:
ԱՀ    Մարտունու  Արամ  Խաչատրյանի  անվան  և  Ճարտարի   արվեստի  դպրոցների  վոկալի  դասատու  Էլեն  Ղուլյանն  էլ  ասել  է, որ   մրցույթ-փառատոնին   6   երեխա  մասնակցել  է  ակադեմիական  և  էստրադային  երգեցողություն  անավանակարգում:
Մարտունու  արվեստի  դպրոցի  սաներ    Էռնա  Արզումանյանը  և    Լյուդմիլա   Գրիգորյանը   դարձել են  երրորդ  կարգի   դափնեկիրներ,  իսկ  Ճարտարի     արվեստի  դպրոցի սաներ  Սաթենիկ Պողոսյանը, Անի Պողոսյանը, Անի Սարգսյանը    և  Մարտունուց  Մարիամ  Գրիգորյանն  էլ  արժանացել  են  դիպլոմների:
Խոսելով  մրցույթի  մասին՝  Է.  Ղուլյանն  ասել է. «Մրցույթ-փառատոնի հիմնական նպատակն է խթանել դասական, ազգային արվեստի և մշակույթի մասսայականացմանը, արվեստագետների միջև ստեղծել նոր, ստեղծագործական և բարեկամական կապեր, պատանիներին մերձեցնել հայ մշակույթին, ծանոթացնել հայկական  մշակութային ժառանգությանը, ինչպես  նաև երիտասարդներին հնարավորություն տալ իրենց վարպետությունը և ազգային մշակույթը պատշաճ ներկայացնելու»: 
 Նշենք, որ  «Art Music»  մրցույթ-փառատոնը   տևելու  է  մինչև  ապրիլի  14-ը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանի նախաձեռնած ստորագրահավաքն իրավական տեսանկյունից խնդրահարույց դրույթ է ներկայացնում. ՀՀ բարձրաստիճան պաշտոնյան ներկայացնում է ռիսկերը

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

Վիտալի Բալասանյանի գրասենյակը հայտարարություն է տարածել

Մահացել է ՀՀ վաստակավոր արտիստ Ռուդոլֆ Ղևոնդյանը

Սուրբ Նիկողայոս վանքը փոխանցվել է հայ համայնքին

Ադրբեջանցիներին չի հաջողվել տապալել հայ երեխաների ելույթը. միջադեպ` Մոնտենեգրոյում

Այսօր Ապրիլյան պատերազմի հերոս Նորայր Հաջիյանի ծննդյան օրն է

Աշխատանքային, զինվորական, սոցիալական կենսաթոշակները կվերահաշվարկվեն. Սամվել Ավանեսյան

Ծավալված գործընթացն իր մեջ պարունակում է լուրջ վտանգներ. Դավիթ Իշխանյանը՝ ստորագրահավաքի մասին

Search