Artsakhpress

Սպորտ

Ստեփանակերտում կայացել է սամբոյի «Հաղթանակի գավաթ» միջազգային պատանեկան մրցաշարը

ԱՀ կրթության, գիտության և սպորտի նախարարության և ռուսաստանաբնակ արցախցի բարերար Արթուր Գրիգորյանի համատեղ նախաձեռնությամբ ու աջակցությամբ Ստեփանակերտի Յուրի Պողոսյանի անվան N6 դպրոցի մարզադահլիճում այսօր՝ մայիսի 5-ին, տեղի է ունեցել սամբոյի «Հաղթանակի գավաթ» միջազգային պատանեկան մրցաշարը՝ նվիրված մայիսյան եռատոնին:

Ստեփանակերտում կայացել է սամբոյի «Հաղթանակի գավաթ» միջազգային պատանեկան մրցաշարը

Ստեփանակերտում կայացել է սամբոյի «Հաղթանակի գավաթ» միջազգային պատանեկան մրցաշարը

ՍՏԵՓԱՆԱԿԵՐՏ, 5 մայիսի, ԱՐՑԱԽՊՐԵՍՄրցաշարին մասնակցել են Արցախի, Հայաստանի, Ռուսաստանի և Ուկրաինայի թիմերը:

«Արցախպրես»-ի թղթակցի հաղորդմամբ` նախքան առաջնության մեկնարկը` սամբոյի մանկապատանեկան խմբի սաները ներկայացրել են ցուցադրական ելույթներ: Հայրենասիրական ու արտասահմանյան երգերով ու պարերով հանդես են եկել մշակույթի կենտրոնների սաները:

Մրցաշարին բացման խոսքով հանդես է եկել ԿԳՍ նախարար Նարինե Աղաբալյանը, ով, ողջունելով ներկաներին, ասել է, որ նախատոնական այս օրերն Արցախում հագեցած են սպորտային միջոցառումներով:

Նա նաև շնորհակալություն է հայտնել բարերար Արթուր Գրիգորյանին աջակցության համար և պարգևատրել շնորհակալագրով:

Ա.Գրիգորյանն էլ իր ելույթում նշել է, որ Արցախն ուժեղագույնների երկիր է, և տարբեր պետությունների մարզիկների մասնակցությունն այս առաջնությանը մեծ ու արդյունավետ ազդեցություն կունենա նրանց սպորտային կարիերայի ձևավորման ու զարգացման վրա:

Բարերարի կողմից նվերներով ու շնորհակալագրերով պարգևատրվել են սամբոյի պատանիների և երիտասարդների Եվրոպայի առաջնությունում հաղթանակած և մրցանակային տեղեր զբաղեցրած մարզիկները:

ԱՀ սամբոյի ֆեդերացիայի նախագահ Գագիկ Սարգսյանի կողմից նախագահ Բակո Սահակյանն արժանացել է շորհակալագրի և հուշանվերի։

«Street Workout» հայաստանյան ֆեդերացիայի նախագահ Ղազար Հակոբյանն էլ, ողջունելով նմանատիպ մրցաշարերի անցկացումը՝ մասնակիցներին մաղթել է արժանավոր հաղթանակ:

Մեզ հետ զրույցում ԱՀ ԿԳՍ նախարարի տեղակալ Աշոտ Դանիելյանն ասել է,որ առաջնությանը 10 քաշային կարգերում մասնակցում է 160 մարզիկ։ Նրա խոսքով՝ այսպիսի մրցաշարերը նպաստում են սամբո մարզաձևի մասսայականացմանը, մարզիկների ֆիզիկական որակների բարելավմանն ու ամրապնդմանը։

Առաջնությանը ներկա էին նաև ԱՀ պետնախարար Գրիգորի Մարտիրոսյանը, պաշտոնատար այլ անձինք, մարզիկներ:


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախում հունիսի 29-ից դադարեցվելու է գազամատակարարումը. «Արցախգազ»-ից հայտնել են պատճառներն ու ժամկետները

Ստեփանակերտ-Երևան անվճար ուղևորափոխադրման նոր կարգ է սահմանվել

ԱԱԾ-ն պետական դավաճանության 5 նոր դեպք է բացահայտել (տեսանյութ)

Ճանապարհատրանսպորտային պատահար` մահվան ելքով

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

Վթարի են ենթարկվել ՊԲ զինծառայողները, մեկը մահացել է, 4-ի վիճակը ծանր է. ԱՀ ՊԲ

Ստեփանակերտ քաղաքի Առաքելյան փողոցում կրակոցներ արձակած անձը ձերբակալվել է. ԱՀ դատախազություն

Օգոստոսին կկայանա ՀՀ և ՌԴ պաշտպանության նախարարների հանդիպումը. Պապիկյանը մասնակցել է ԱՊՀ ՊՆ-ների ղեկավարների նիստին

Ինչ է նշանակում ԼՂ կարգավիճակի նշաձողի իջեցում. ՀՀ վարչապետի պարզաբանումը

Search