Artsakhpress

Հասարակական

Արհեստագործական ուսումնարանը կընդլայնի իրականացվող ծրագրերը. կայացել է ԵՄԱՈՒ հոգաբարձուների խորհրդի նիստը

Այսօր՝ մայիսի 15-ին, տեղի է ունեցել «Եզնիկ Մոզյան արհեստագործական ուսումնարան» հիմնադրամի հոգաբարձուների խորհրդի նիստը:

Արհեստագործական ուսումնարանը կընդլայնի իրականացվող ծրագրերը. կայացել է ԵՄԱՈՒ հոգաբարձուների խորհրդի նիստը

Արհեստագործական ուսումնարանը կընդլայնի իրականացվող ծրագրերը. կայացել է ԵՄԱՈՒ հոգաբարձուների խորհրդի նիստը
ՍՏԵՓԱՆԱԿԵՐՏ, 15 մայիսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ նիստին հիմնադրամի հոգաբարձուների խորհրդի նախագահ Արայիկ Հարությունյանը ողջունել է ներկաներին՝ նշելով, որ ուսումնարանը կարելի է համարել Հայաստանի և Արցախի լավագույն կրթական հաստատություններից մեկը:
Անցնելով օրակարգային հարցերին՝ գործադիր տնօրեն Վասպուրակ Կարապետյանը ներկայացրել է  2017-2018 և 2018-2019 ուսումնական տարիների գործունեության հաշվետվությունը՝ ընդգծելով, որ ներկայումս ուսումնարանը ունի 160 աշկերտ, 15 արտադրական վարպետ: Նյութատեխնիկական բազան համալրվել է գրեթե բոլոր սարքավորումներով և անհրաժեշտ նյութերով: Մայիսին ուսումնարանը կթողարկի 40 շրջանավարտ:
Այնուհետև նա ներկայացրել է կառուցվածքային այն փոփոխությունները, որոնք կլինեն 2019-2020 ուսումնական տարում:
Մասնավորապես՝ այսուհետ ուսումնարանը կվերանվանվի «Եզնիկ Մոզյան արհեստագործական կրթահամալիր», որտեղ հնարավորություն կլինի իրականացնել ինչպես նախնական, այնպես էլ միջին մասնագիտական կրթական ծրագրեր և դասընթացներ մեծահասակների համար:
Վ. Կարապետյանի խոսքով՝ տարեվերջին ստեղծված վերականգնվող էներգետիկայի ոլորտի համար կահավորված ժամանակակից լաբորատորիան հնարավորություն կտա սկսել ոլորտի մասնագետների պատրաստումը: Բացի դրանից, ընթացիկ տարվա մարտ ամսին հուշագիր ստորագրելու բանավոր պայմանավորվածություն է  ձեռք բերվել Ֆրանսիայում գործող լիցեյի հետ, որի շրջանակներում կլինեն ուսանողների փոխանակման և արտադրական ուսուցման վարպետների վերապատրաստման ծրագրեր: Վերապատրաստմանն ընդառաջ՝ կկազմակերպվի նաև ցուցահանդես:
Անդրադառնալով ուսումնարանում իրականացվող ծրագրերին՝ ԱՀ կրթության, գիտության և սպորտի նախարար Նարինե Աղաբալյանն ասել է, որ ամեն տարի նկատելի առաջընթաց է գրանցվում հաստատության գործունեության մեջ, և հենց ուսումնարանի հաջողություններն են նպաստել վերանայելու կառուցվածքը և կրթական ծրագրերը:
ԱՀ ԿԳՍ նախարարը տեղեկացրել է նաև, որ ամերիկահայ բարերար Անուշավան Աբրահամյանի հետ պայմանավորվածություն է ձեռք բերվել Բերձորում գյուղատնտեսական քոլեջ հիմնելու համար: Առաջիկա օրերին հոգաբարձուների խորհրդի անդամները կայցելեն Արցախ՝ հետագա ծրագրերը քննարկելու համար:
Ն. Աղաբալյանի խոսքով՝ աշխատանքներ են տարվում նոր հովանավորներ գտնելու ուղղությամբ՝ Ստեփանակերտի և Մարտունու արհեստագործական ուսումնարանները ևս վերակազմավորելու համար:
Նիստին ներկա հոգաբարձուների խորհրդի փոխնախագահ Ռոբերտ Այդաբիրյանն էլ նշել է, որ հիմնական շեշտը պետք է դնել Հայատան-Արցախ համագործակցության վրա՝ գլխավոր ուղղություն համարելով ուսանողների փորձի փոխանակման ծրագրերը:
«Մեծահասակների ուսուցման համար հատկացվել է 45 տեղ: Կան մեծահասակներ, ովքեր համապատասխան պատրաստություն չունեն իրենց աշխատանքում, և այս ծրագիրը կօգնի նրանց ավելի հմտանալու: «Հայաստան» համահայկական հիմնադրամի Ֆրանսիայի տեղական մարմինը հիմնական շեշտը դնում է արհեստագործական կրթության զարգացման վրա, որի անհրաժեշտությունն այսօր ունենք»,- ավելացրել է Ռ. Այդաբիրյանը:
Հոգաբարձուների խորհրդի նախագահ Արայիկ Հարությունյանը բարձր է գնահատել առաջարկվող փոփոխությունների կարևորությունը՝ ընդգծելով, որ դրանք հնարավորություն կտան նոր հիմքի վրա դնելու վարպետների պատրաստման գործընթացն Արցախում:
Նիստի վերջում Վասպուրակ Կարապետյանը եռամյա ժամկետով վերընտրվել է գործադիր տնօրենի պաշտոնում:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

ՀՀ գլխավոր դատախազի հանձնարարությունը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Search