Artsakhpress

Մշակույթ

Հոչանց համայնքում վերանորոգվել և վերաօծվել է 17-րդ դարի եկեղեցի (լուսանկարներ)

«Թուֆենկյան» բարեգործական հիմնադրամի միջոցներով վերանորոգվել է Քաշաթաղի շրջանի Հաչանց համայնքի Սուրբ Ստեփանոս եկեղեցին, որտեղ հունիսի 23-ին՝ Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանի ձեռամբ կատարվել է վերաօծման կարգ:

Հոչանց համայնքում վերանորոգվել և վերաօծվել է 17-րդ դարի եկեղեցի (լուսանկարներ)

Հոչանց  համայնքում   վերանորոգվել  և  վերաօծվել  է  17-րդ  դարի  եկեղեցի (լուսանկարներ)
ՍՏԵՓԱՆԱԿԵՐՏ, 24 հունիսիԱՐՑԱԽՊՐԵՍ: Եկեղեցում   Արցախի թեմի առաջնորդ Պարգև արքեպիսկոպոս Մարտիրոսյանի    կողմից   մատուցվել  է  կիրակնօրյա   առաջին  պատարագը:
Պարգև արքեպիսկոպոս Մարտիրոսյանն  իր  խոսքում  կարևորել է   եկեղեցաշինության  դերն  Արցախ  աշխարհում՝  ասելով, որ  դարեր  շարունակ հայն  իր  հավատքով  եղել    և  այսօր  էլ  շարունակում  է    լինել  ուժեղ  և   տոկուն:
Նրա   խոսքով՝  Հոչանցի   17-րդ  դարի  Ս. Ստեփանոս   եկեղեցու  վերաբացումն  ու  վերաօծումը մեծ  նշանակություն  կունենա  համայնքի  զարգացման   գործում:
«Արցախպրես»-ի  թղթակցի   հետ   զրույցում  «Թուֆենկյան» բարեգործական հիմնադրամի Արցախի  ծրագրերի  ղեկավար  Հուսիկ  Սարգսյանն  ասել  է, որ  իրենց  գործունեության   շրջանականերում  իրականացվում  են նաև պատմամշակութային  հուշարձանների  վերականգնման  աշխատանքներ:
«Մենք Քաշաթաղի  շրջանից  առաջարկ  ստացանք՝  վերանորոգելու  Հոչանցի  եկեղեցին,  և  մեր  հովանավորներից  մեկի   աջակցությամբ   վերականգնեցինք  եկեղեցին:  Եկեղեցու  վերականգնման  աշխատանքները  տևել  են  ավելի  քան  2    ամիս:  Հիմնականում    իրականացրել  ենք  հողի  մաքրման  աշխատանքներ, վերականգնել՝  եկեղեցու  տանիքը:  Մաքրման  աշխատանքների  ընթացքում  գտել ենք   որոշակի   խաչքարեր, որոնց  մասին  տեղեկացրել ենք  ԱՀ  մշակույթի, երիտասարդության և զբոսաշրջության  նախարարության   պատասխանատուներին»,-ավելացրել  է  Հ.  Սարգսյանը:
Քաշաթաղի  շրջվարչակազմի  ղեկավար  Ստեփան   Սարգսյանն   էլ ասել է, որ    իրենց   շրջանում  պարբերաբար  են   իրականացվում  բարեգործական  ծրագրեր, որոնց  վառ  ապացույցն  է  Հոչանցի  եկեղեցու   վերանորոգումը:
«Հիմնականում   իրականացվում  են    դպրոցաշինության,   բնակիչների  սոցիալ-տնտեսկան  պայմանների   բարելավման, գյուղատնտեսությանը  նպաստող    ծրագրեր: Կուզենայի  հատկապես  առանձնացնել «Թուֆենկյան» բարեգործական հիմնադրամի կողմից  կատարված  Ս.  Ստեփանոս  եկեղեցու   վերանորոգման  աշխատանքները:   Հազվադեպ  է  լինում, երբ   բարեգործական կազմակերպություններն ուշադրություն  են  դարձնում   նաև   հոգևոր    կյանքին, հատկապես  հինավուրց   եկեղեցիներին:  Մենք խորապես  շնորհակալություն ենք  հայտնում   հիմնադրամին  և      նվիրատուներին, որոնք  մեծ ուշադրություն  են  դաձնում  նաև   քաղաքացիների  հոգևոր  կարիքներին»,- ավելացրել  է  Ս. Սարգսյանը:
Հոչանց  համայնքի  ղեկավար  Գայանե  Ղազարյանի  խոսքով՝  գյուղի   եկեղեցու   վերանորոգումն ու   վերաօծումը   մեծ   խորհուրդ  ունի   բնակիչների  համար:
«Գործող  եկեղեցի  ունենալը    մեծ   ոգևորություն  է     համայնքի   համար, քանի որ  այն   անհրաժեշտություն  էր:
Մենք  բոլորս  էլ ունենք  հոգևոր   սննդի  կարիք, որն  էլ   կստանանք  հենց   Ս.  Ստեփանոս  եկեղեցում»,-մասնավորապես  ասել է  համայնքի  ղեկավարը:
Միջոցառման  վերջում  Քաշաթաղի  շրջվարչակազմի  ղեկավար  Ստեփան   Սարգսյանը  շրջանի  զարգացման  ու  կայացման    հայրենանվեր  գործում  ունեցած  զգալի  ավանդի  համար  շնորհակալագիր է  հանձնել  «Թուֆենկյան» բարեգործական հիմնադրամի հոգաբարձուների խորհրդի անդամ Անդրանիկ Կասպարյանին:
Եկեղեցու  վերաօծմանը  մասնակցել են Քաշաթաղի շրջվարչակազմի աշխատակիցներ, «Թուֆենկյան» հիմնադրամի  ներկայացուցիչներ, Հոչանցի բնակիչներ  և  այլք:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Պուտինի ղեկավարած զորավարժության ժամանակ արտակարգ դեպք է եղել

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Հայ մարտիկը 27 վայրկյանում նոկաուտի է ենթարկել ադրբեջանցուն

Search