Artsakhpress

Քաղաքական

Հայաստանը ժողովրդավարության զարգացման աննախադեպ մակարդակ է ապահովել. Սվիտալսկի

ՀՀ-ում Եվրամիության դեսպան Պյոտր Սվիտալսկին վերջին ժամանակում Հայաստանի ամենակարևոր ձեռբքերումներից է համարում կոռուպցիայի դեմ պայքարի շրջանակում դրսևորված քաղաքական կամքը, երկրում անպատժելիության զգացման վերացումը:

Հայաստանը ժողովրդավարության զարգացման աննախադեպ մակարդակ է ապահովել. Սվիտալսկի

Հայաստանը ժողովրդավարության զարգացման աննախադեպ մակարդակ է ապահովել. Սվիտալսկի
ՍՏԵՓԱՆԱԿԵՐՏ, 22 հուլիսի, ԱՐՑԱԽՊՐԵՍ-ԱՐՄԵՆՊՐԵՍ:  Իսկ, մասնավորապես, խորհրդարանական վերջին ընտրություններով Հայաստանը ժողովրդավարության զարգացման աննախադեպ մակարդակ է ապահովել:
Սվիտալսկին նման տեսակետ հայտնեց ասուլիսում՝ ամփոփելով դիվանագիտական առաքելությունը:
«Անձամբ կարծում եմ, որ այն, ինչ տեղի է ունեցել Հայաստանում անցյալ տարվա ընթացքում, շատ կարևոր երևույթ է։ Այս ամենի ժառանգությունն այն է, ինչ դուք պետք է պաշտպանենք: Արդեն շատ դրական երևույթներ տեղի են ունեցել: Եվ վստահ եմ, որ Հայաստանը ժողովրդավարության զարգացման աննախադեպ մակարդակ է ապահովել՝ մասնավորապես վերջին ընտրություններով: Բայց պետք է անել նաև հաջորդ քայլը: Սակայն ամեն ինչ սկսվում է ընտրություններից, և այդ առաջին քայլը դուք արել եք: Կարող եք հպարտանալ այն ամենով, ինչ տեղ է ունեցել Հայաստանում վերջին դեկտեմբերին»,-ասաց Սվիտալսկին:
Դեսպանը մատնանշեց նաև կոռուպցիայի դեմ պայքարը: Նա նկատեց՝ Հայաստանը շատ հստակ դիրքորոշում է ստանձնել, քաղաքական կամք է ցուցաբերել կոռուպցիայի դեմ պայքարի շրջանակում: Դեսպանի կարծիքով՝ ամուր քաղաքական կամքն անհրաժեշտ պայման է՝ առանց որի առաջընթացը հնարավոր չէ: «Դուք այդ չափազանց կարևոր քայլն արդեն ձեռնարկել եք, դա պետք է պահպանել ինստիտուցիոնալ կառույցներում, օրենքներով, հանրության վերաբերմունքով: Կարող եմ ասել, որ այս հաջորդ քայլերն արդեն արվում են, ինստիտուցիոնալ հենք է ստեղծվում»,-նշեց նա:
Դեսպանը երկրում վերջին մի քանի ամիսների երրորդ կարևոր ձեռքբերումը համարեց անպատժելիության զգացման վերացումը: «Որոշ մարդիկ անցյալում կարծել են, թե օրենքից վեր են: Կարծում եմ, որ սովորական քաղաքացիների համար շատ կարևոր է դա, վստահ եմ, որ մեծապես գնահատել են, որ ձերբազատվել են դրանից»,-ասաց Սվիտալսկին ու նշեց՝ այժմ ժամանակն է կառուցել անկախ, ամուր և արդյունավետ դատաիրավական համակարգ, դատական իշխանություն:
Դեսպանն, այնուամենայնիվ, նկատեց, որ յուրաքանչյուր իշխանություն, ցանկացած կառավարություն աշխարհում զերծ չէ սխալներից: Ամենակարևորը համարեց դրանք ընդունելն ու ուղղելը:

     

Քաղաքական

Հասարակական

Ամենադիտված

ամիս

շաբաթ

օր

Արցախում ստեղծվել է նոր կուսակցություն. կայացել է հիմնադիր համագումարը

Խաչմաչի և Կարմիր գյուղի նորածինների 7 ընտանիքներ 1000-ական ԱՄՆ դոլլար դրամական աջակցություն են ստացել բարերարից

Արցախի քաղաքացի հանդիսացող վարորդների վրա բալային համակարգն առայժմ չի կիրառվի

Այսօր Կրկժանի ազատագրման 28-ամյակն է. պարգևատրվել են մի խումբ ազատամարտիկներ

Նախագահի խորհրդականը` զինծառայողների՝ հեռախոս ունենալու և օգտագործելու կարգի մասին

Հայտնաբերվել է ՀՀ ԱԱԾ նախկին պետ Գեորգի Կուտոյանի դին՝ հրազենային վնասվածքով․ ՀՀ ՔԿ

Անցած տարում մաքրվել և բարեկարգվել են մոտ 4 տասնյակ պատմական հուշարձաններ

Լավ հիշում եմ, երբ ադրբեջանցի մեծահասակ գարշահոտ հարեւանը բռնեց ինձ եւ ես ճանկռելով փախա.Աննա Աստվածատրյան (տեսանյութ)

«Արմաթ»-ն ապագայի ալգորիթմն է. Արցախում բացվել է 27-րդ ինժեներական լաբորատորիան

Search