«Արցախի Հանրապետության համայնքների արոտավայրերի, խոտհարքների և վարելահողերի բարելավման» ծրագրի շրջանակում ԱՀ ԳՆ աշխատակազմի անասնաբուծության և անասնաբուժության վարչության ներկայացուցիչները, ԱՀ գյուղատնտեսության նախարարի առաջին տեղակալ Տիգրան Առստամյանի գլխավորությամբ, սեպտեմբերի 30-ին աշխատանքային այց են կատարել Մարտակերտի շրջանի Գառնաքար համայնք՝ արոտների և խոտհարքների մակերեսային բարելավման ուղղությամբ կատարված աշխատանքների ընդունման նպատակով:
Գործարկվել է ծրագիր գյուղատնտեսական նշանակության թփակալված տարածքները նվազագույն հասցնելու համար
ՍՏԵՓԱՆԱԿԵՐՏ, 3 հոկտեմբերի, ԱՐՑԱԽՊՐԵՍ։ Ստուգման ընթացքում անհամապատասխանություններ չեն հայտնաբերվել, և հանձնաժողովը տվել է դրական եզրակացություն:
Ծրագիրն առաջին անգամ է գործարկվել Արցախում և նպատակ ունի նվազագույնի հասցնել գյուղատնտեսական նշանակության թփակալված տարածքները, բարձրացնել արոտավայրերի, խոտհարքների և վարելահողերի արդյունավետությունը, բերքատվությունն ու կերային արժեքը, վերականգնել բուսածածկը, կանխել հողերի դեգրադացման հետագա վտանգը, ստեղծել նախադրյալներ խոշոր եղջերավոր և մանր եղջերավոր կենդանիների գլխաքանակի, անասնապահական մթերքների արտադրության ավելացման համար:
Տ. Առստամյանի խոսքով, ընթացիկ տարում ծրագիրը կյանքի կկոչվի նաև ԱՀ Մարտակերտի շրջանի Կիչան, Առաջաձոր և Մարտունու շրջանի Խերխան համայնքներում:
