Artsakhpress

Հարցազրույց

Ֆրանսիան աշխատում է տարածաշրջանում դեր ստանձնել

Radar Armenia-ի զրուցակիցը միջազգայնագետ, վերլուծաբան Շահան Գանտահարյանն է։

Ֆրանսիան աշխատում է տարածաշրջանում դեր ստանձնել

Ֆրանսիան աշխատում է տարածաշրջանում դեր ստանձնել
ՍՏԵՓԱՆԱԿԵՐՏ, 3 դեկտեմբերի, ԱՐՑԱԽՊՐԵՍ:  Հարցազրույցը ներկայացնում ենք ստորև.
-Ֆրանսիայի Ազգային ժողովը միաձայն ընդունեց Հայաստանի դեմ Ադրբեջանի ագրեսիան դադարեցնելու և Հվ. Կովկասում կայուն խաղաղություն հաստատելու պահանջով բանաձևը։ Ո՞րն է այս բանաձևի քաղաքական նշանակությունը, և ի՞նչ կարող է տալ այն Հայաստանին։
- Պարզ էր, որ Ֆրանսիայի ԱԺ-ն սենատի հետևողականությամբ հանգելու էր նման բանաձևի։ Սա շատ նման է 44-օրյա պատերազմին Ֆրանսիայի երկպալատ բանաձևերին՝ Արցախի անկախության ճանաչման կոչ անելու առումով։ Նման բանաձևերը խաղաթուղթ են գործադիրի ձեռքում՝ Ադրբեջանի հետ հարաբերություններում օգտագործելու համար։ Այստեղ արդեն խոսվում է Ադրբեջանի դեմ պատժամիջոցներ կիրառելու մասին, եթե շարունակվի ներխուժումը Հայաստանի ինքնիշխան տարածքներ։ Քաղաքական առումով, իհարկե, կա Հարավային Կովկասում ռուսական ազդեցության հակակշիռ քայլեր անելու ենթաառաջադրանքը։ Ռուսական միջնորդության և ԵԱՀԿ-ի անդամալուծման արանքում Ֆրանսիան աշխատում է դեր ստանձնել տարածաշրջանում և ներգրավվել գործընթացում։ Օրենսդիր դաշտի բանաձևերը այդ նպատակն են հետապնդում։
 
-Ինչպե՞ս կմեկնաբանեք Ֆրանսիայի ԱԳՆ հայտարարությունն այն մասին, թե Ֆրանսիայի խորհրդարանի պալատների բանաձևերը, որոնցով կոչ է արվում պատժամիջոցներ կիրառել Ադրբեջանի դեմ, չի արտացոլում Փարիզի պաշտոնական գիծը։
-Դարձյալ համեմատենք նախկին երկպալատ բանաձևերի հետ, որոնք իբրև ուղղություն չտեղափոխվեցին գործադիր դաշտ։ Միաժամանակ նկատենք, որ Մակրոնի և, ընդհանրապես, պաշտոնական Փարիզի դիրքորոշումը ադրբեջանական ագրեսիայի դեմ ամենահասցեականն էր։ Դա պատճառ դարձավ, որ Բաքուն բանակցային գործընթացում վետոյի ենթարկի Փարիզի մասնակցությունը։ Նկատենք, որ արտգործնախարարության այս հայտարարությունն ու Բրյուսելի քառակողմը վերակենդանացնելու աշխատանքը համաժամանակյա ընթացքով են գնում։ Դա ենթադրում է, որ Բաքվի վետոյի դեպքում Մակրոնը կարող է գործադիր դաշտ բերել իր օրենսդիրի բանաձևերը։
 
-Այս համատեքստում, հաշվի առնելով Ալիևի կողմից Ֆրանսիայի նախագահի մասնակցությամբ պատճառաբանված բրյուսելյան հանդիպման չեղարկումը, այս բանաձևը կարո՞ղ է ևս պատրվակ լինել Բաքվի ձեռքին՝ բանակցությունները փակուղի տանելու համար։
-Չի բացառվում, որ Բաքուն շարունակի պատրվակել նման բանաձևերը։ Հարցն, ըստ էության, մեծ հաշվով կախում ունի Բաքու-Անկարա-Մոսկվա գծի վրա ընթացող բանակցություններից։ Ֆրանսիայի ներգրավմամբ Բաքվի մերժումը բխում է առաջին հերթին Մոսկվայի շահերից, որը նախընտրում է Անկարայի հետ համաձայնաբար պահպանել հիմնական միջնորդի դերը։
 
-ՀՀ-ում ԱՄՆ դեսպանն էլ հայտարարել է, որ տարածաշրջանից Ռուսաստանի հետ քաշվելու դեպքում ԱՄՆ-ի համար այժմ սահմանափակ հնարավորություն կա ավելի ուժեղ դեր ստանձնելու և արյունահեղությանը վերջ տալու համար։ Սա ի՞նչ է նշանակում, որ ԱՄՆ-ն է՞լ է խոստովանում, որ տարածաշրջանում Ռուսաստանը դոմինանտ է։ Չե՞ն պատրաստվում պայքարել դրա դեմ։
-Հայտարարության կոնտեքստը շատ կարևոր է։ ՀՀ-ում ԱՄՆ դեսպանը շուտով ստանձնելու է ՌԴ-ում ԱՄՆ-ի դեսպանի պաշտոնը, և այս հայտարարությունը կատարվում է նոր պաշտոնի ստանձնման նախօրեին։ Ուղերձն այն է, որ ինքը փորձելու է տարածաշրջանում խաղաղություն հաստատելու համար իրականացնել ԱՄՆ-ՌԴ համագործակցություն։
-ԱՄՆ-Ռուսաստան մրցապայքարի ֆոնին հայ-ադրբեջանական սահմանին իրադրությունը շարունակում է լարված մնալ։ Կողմերից ո՞ր մեկը կարող է զսպել Ադրբեջանի ագրեսիան, և ինչու՞ չի անում։
- Հակասական երևույթներ են արձանագրվում։ Անկարան խոսում է Երևանի հետ հարաբերությունների դրական և գործնական փուլի մասին, Բայրամովը դժգոհում է հայկական կողմի դիրքորոշումներից, իսկ Բաքուն սահմանին կրակում է։ Պաշտոնական Վաշինգտոնի ներկայացուցիչները ակնարկում են Երևանի հետ խորքային բանակցությունների մասին և ետքայլ անում Ադրբեջանից զորքերը հետ քաշելու՝ իրենց նախկին պահանջներից։ Բրյուսելի հանդիպումը չեղարկվում է, սակայն այն վերագործարկելու նոր փորձեր են երևում։ ԵԱՀԿ ՄԽ-ի համանախագահական ձևաչափը անդամալուծվում է, և զուգահեռ ընթանում են միջնորդական նոր ձևաչափեր ձևավորելու մրցապայքարներ։ ՀԱՊԿ-ն քաղաքական գնահատական չի տալիս, բայց առաջարկում է օժանդակությունների փաթեթ, որի ամենակարևոր առանցքը Հայաստան-Ադրբեջան սահմանին առաքելություններ ուղարկելն է։ Միջնորդականին առընթեր սկսվելու է Հայաստան-Ադրբեջան սահմանագծի վրա առաքելությունների հակամարտություն։ Այս բոլորը խոսում են Հարավային Կովկասում ներթափանցման և ներգրավման աշխարհաքաղաքական մրցակցությունների մասին, որոնք կարող են զսպիչ դեր ունենալ Բաքվի շտապողականության հարցում։ Ադրբեջանն իր առջև դրած խնդիրները չի կարողանում լուծել իր պատկերացրած ժամանակահատվածում, այդ պատճառով էլ կրակում է։

     

Քաղաքական

Մակրոնը փորձում է երրորդ համաշխարհային պատերազմ հրահրել. Պետդումայի նախագահ

Ֆրանսիայի նախագահ Էմանուել Մակրոնը, փորձելով պահպանել իր իշխանությունը, ավելի լավ բան չի մտածել, քան փորձել հրահրել երրորդ համաշխարհային պատերազմ։

Միրզոյանն ու Բայրամովն այսօր կհանդիպեն Բեռլինում

Մյունխենում փետրվարի 17-ին կայացած եռակողմ հանդիպման ժամանակ ձեռք բերված պայմանավորվածության համաձայն, այսօր և վաղը Հայաստանի և Ադրբեջանի արտգործնախարարներ Արարատ Միրզոյանի ու Ջեյհուն Բայրամովի գլխավորած պատվիրակությունները կհանդիպեն Բեռլինում։

Բաքուն շարունակում է նոր տարածքային պահանջներ ներկայացնել ՀՀ-ին. Միրզոյանը՝ Զինաթափման համաժողովի բարձրաստիճան հատվածում

Հարավային Կովկասում անվտանգային իրադրությունը մնում է անկայուն, քանի որ Ադրբեջանը չի հրաժարվում Հայաստանի Հանրապետության նկատմամբ իր ագրեսիվ քաղաքականությունից:

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Գործարկվում է ԼՂ-ից բռնի տեղահանվածների համար ուսուցման դասընթացի և աշխատանքային փորձ ձեռք բերելու աջակցության ծրագիրը

Ադրբեջանի մշակութային ցեղասպանության հերթական զոհը՝ Ստեփանակերտի «Անդրանիկ» փողոցում տեղադրված քանդակները

Սեպտեմբերի 19-ի ռազմական գործողությունների հետևանքով գերության մեջ է հայտնվել 16 անձ

Ադրբեջանի ԶՈՒ ստորաբաժանումները կրակ են բացել Վերին Շորժայի հատվածում տեղակայված հայկական դիրքերի ուղղությամբ․ ՊՆ

Այն ամենը, ինչ կապված է Արցախի հետ, փորձում են «կափարիչ» դնել դրա վրա և փակել այդ հարցը, բայց պետք չէ գնալ այդ ճանապարհով. Սամվել Շահրամանյան

Բնակարանային ապահովման աջակցությունից առաջինը կօգտվեն 3 և ավելի երեխաներ ունեցող տեղահանված ընտանիքները. փոխվարչապետ

Քարվաճառի շրջանի Ծար գյուղի Սուրբ Սարգիս և Սուրբ Գրիգոր եկեղեցիները՝ ադրբեջանական մշակութային վանդալիզմի հերթական զոհ

Միգրացիայի և քաղաքացիության ծառայությունը հայտարարում է Ժամանակավոր թափուր հաստիքների մրցույթ

Արցախ վերադառնալու իրական հնարավորություն կա. Վարդան Օսկանյան

Search