Գիտնականները կարողացել են ամենավառ նոր աստղի բռնկում արձանագրել:
Աստղագետներն ամենավառ նորագույն աստղի բռնկումն են արձանագրել
ՍՏԵՓԱՆԱԿԵՐՏ, ՀՈՒԼԻՍԻ 13, ԱՐՑԱԽՊՐԵՍ: Gazeta-ի փոխանցմամբ՝ երկնային մարմինը ASASSN-15lh անունն է ստացել:
2015 թվականի հունիսի 14-ին աստղը հայտնաբերել էին ASAS-SN - All-Sky Automated Survey for Supernovae կոչվող 14 աստղադիտակներով: Աստղագետների հաշվարկներով, նորագույն աստղը բացահայտել են նրա առավելագույն պայծառությունից 9 օր անց, իսկ նրանից լույսը Երկիր է հասել ավելի քան 2.8 մլրդ տարի: Դա նշանակում է, որ ASASSN-15lh-ը գրեթե հարյուր անգամ ավելի պայծառ է սովորական նորագույն աստղերից:
Իր պայծառության շնորհիվ էլ ASASSN-15lh-ը դասվել է հիպերնոր՝ հատկապես պայծառ նորագույն աստղերի շարքում: Սակայն դեռեւս ոչ բոլոր մասնագետներն են վստահ, որ կարելի է երկնային այս մարմինը հիպերնոր համարել: Մասնագետների հաշվարկներով, վերջնական որոշում կկայացվի 100 օր անց, երբ հնարավոր կլինի հստակեցնել աստղի լույսի աղբյուրի էությունը: