Հիմա լավ կլինի, որ երկու կողմերի մտավորականները դադար վերցնեն.Կոմիտասի թանգարանում լրագրողների հետ հանդիպմանը խոսելով հայ և ադրբեջանցի մտավորականների երկխոսության և ԼՂ հակամարտության վրա նրանց ազդեցության մասին՝ ասաց ՌԴ նախագահի միջազգային մշակութային համագործակցության գծով ներկայացուցիչ Միխայիլ Շվիդկոյը:
Մենք վատ սերունդ կլինենք, եթե ԼՂ հիմնախնդրի լուծումը թողնենք ապագային. ՌԴ պաշտոնյա
ՍՏԵՓԱՆԱԿԵՐՏ, 7 հուլիսի, ԱՐՑԱԽՊՐԵՍ: Բանախոսը պատասխանեց Tert.am-ի հարցին. մինչ Ձեր այստեղ գալը ռուսական լրատվամիջոցին տված հարցազրույցում ասել էիք, որ ԼՂ կարգավորումը շատ բաներով կախված է երկու կողմերի մտավորականներից, ի՞նչ քայլերի մասին է խոսքը, այդ քայլերն իրականացված տեսե՞լ եք:
«Հայ-ադրբեջանական կոնֆլիկտը իմ բնակարանում է: Իմ որդու կինը՝ հարսս, մի կողմով հայ է, մյուսով՝ ադրբեջանցի: Ամեն անգամ, երբ լարվածություններ են լինում, դրանք անցնում են մեր ընտանիքի յուրաքանչյուր անդամի սրտով: Մենք ունենք փորձառություն... փորձառություն, որը սկսվել է 1996 թվականից և փորձառություն, որը նաև ինչ-որ չափով հույս է տվել, որովհետև երկու երկրների մտավորականներից շատ բան է կախված»,- ասաց նա:
Նշեց, որ կարգավորման գործընթացում հիմա շատ դժվար, հիվանդագին պահ է: «Ես չեմ կարծում, որ հենց այսօր կարելի է ինչ-որ քայլեր անել: Պետք չէ երկու կողմերի կրքերը թեժացնել: Առանց այն էլ ամեն ինչ լարված է, ամեն ինչ հիվանդագին է:
Հիմա, կարծում եմ, լավ կլինի, որ երկու կողմերի մտավորականները դադար վերցնեն,- ասաց Միխայիլ Շվիտկոյը՝ ավելացնելով,-ի վերջո, բոլոր պատերազմները վերջանում են խաղաղությամբ: Անգամ 100 տարվա պատերազմներն են խաղաղությամբ վերջանում: Հետո կողմերը ամեն դեպքում պետք է խոսեն: Այդ պատճառով երկու երկրների մտավորականները պետք է պատասխանատվություն վերցնեն, որ դա ինչ-որ մի պահի կատարվելու է»:
Ռուսաստանի նախագահի ներկայացուցիչը նշեց, որ իր դիրքորոշումը նման հարցերում շատ պարզ է՝ ոչինչ չարժե հայ, ադրբեջանցի կամ ռուս երեխայի արյունը: «Դրա համար պետք է երկխոսության գնալ, որովհետև ծնվում են երեխաներ, և նրանք պետք է գնան պատերազմի: Մենք վատ սերունդ կլինենք, եթե այդ հիմնախնդրի լուծումը թողնենք ապագային: Դա շատ վատ է»:
Նշենք, որ Շվիդկոյը ժամանել է Հայաստան, որպեսզի ՀՀ մշակույթի նախարար Հասմիկ Պողոսյանի հետ քննարկի ԱՊՀ միջազգային հումանիտար համագործակցության հիմնադրամի ծրագրերը, որի համանախագահն է ինքը:
