Artsakhpress

Հասարակական

Արցախում գործող ամառային դպրոցների երեխաները մշակութային ելույթներ են ունեցել զինվորների համար

Արցախում երեկ ամփոփվել են Հայաստանի մանուկներ հիմնադրամի (COAF) կողմից ընթացիկ տարվա օգոստոսի 1-ից կազմակերպված ամառային 10-օրյա դպրոցների աշխատանքները:

Արցախում գործող ամառային դպրոցների երեխաները մշակութային ելույթներ են ունեցել զինվորների համար

Արցախում գործող  ամառային դպրոցների երեխաները մշակութային  ելույթներ են ունեցել զինվորների համար

ՍՏԵՓԱՆԱԿԵՐՏ, 11 օգոստոսի, ԱՐՑԱԽՊՐԵՍ: «Արցախպրես»-ի հաղորդմամբ`այսօր Մարտակերտում և Մարտունու շրջանի Գիշի գյուղում կայացել են մարդասիրական առաքելության շրջանակներում կազմակերպված ամառային դպրոցների փակման հանդիսավոր արարողություններ: «Արցախպրես»-ի թղթակցի հետ զրույցում Հիմնադրամի գործադիր տնօրեն Անուշ Եդիգարյանը տեղեկացրել է, որ Մարտակերտի և Մարտունու դպրոցներում ընդգրկված էին 10-15 տարեկան համապատասխանաբար 111 և 140 երեխաներ:

«Երեխաների զբաղվածությունը ներառում էր տիկինիկային թատրոն. «Ես և իմ աշխարհը» խաղեր, նկարչություն, խեցեգործություն, պար, մանրանկարչություն և ձեռքի աշխատանք և այլն: Ի դեպ, վերջին երկու խմբերի մասնագետներին ամառային դպրոցներ էր գործուղել Արցախի մշակույթի և երիտասարդության հարցերի նախարարությունը:

Երկու ամառային դպրոցներում էլ երեխաներն ուսումնասիրել են առաջին օգնություն: Իսկ բնագիտության և մաթեմատիկայի` Երևանից հրավիրված մասնագետները երեխաների շրջանում նշված առարկաների հանդեպ հետաքրքրությունը մեծացնող ինտերակտիվ-խաղային դասեր են անցկացրել:


Օգտվելով մասնագետների ներկայությունից` Մարտունու շրջանի մի քանի գյուղերի մաթեմատիկայի և ֆիզիկայի ուսուցիչներ ևս միացել էին դպրոցին` նոր մեթոդներ ու ուսուցման հետաքրքիր հնարքներ սովորելու»,- մանրամասնել է Ա. Եդիգարյանը` հավելելով, որ ամառային դպրոցի շրջանակում մասնակիցներին այցելել են նաև ԼՂՀ ՊԲ զորամասեր` զինվորների համար մշակութային ելույթներ ունենալու, մասնակցել են Վարդավառի ծիսակարգին, այցելություն ե ունեցել Մարտակերտի ջրերի գործարան, կազմակերպել և անցկացրել են մրցույթ, ինչպես նաև էքսկուրսիա դեպի Գանձասար:

Հայաստանի մանուկներ հիմնադրամը (COAF) բարեգործական կազմակերպություն է, որի նպատակն է բարձրացրել հայսատանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով:

Հիմնադրամի համակողմանի ծրագրային մոդելի իրագործումը սկսվել է 2004 թ,, և այդ ժամանակից ի վեր իրականացվում են կրթական, առողջապահական, սոցիալական և տնտեսական ծրագրեր, ինչպես նաև հիմնանորոգվում են համայնքների համար կենսական նշանակություն ունեցող ենթակառուցվածքները: Այս ծրագրեի շահառուներն են Հայսատանի Արմավիրի, Արագածոտնի, Լոռու, Գեղարքունիքի, Շիրակի և տավուշի մարզերի 44 համայնքների ավելի քան 67,000 բնակիչները:

Ընթացիկ տարվա ապրիլ ամսից Հայաստանի մանուկներ հիմնադրամը Մարդասիրական առաքելության շրջանակներում մեկնեց Արցախ` առաջին օգնության և հոգեբանական ծառայությունների վերապատրաստման դասընթացներ առաջարկելով մայրաքաղաքի և շրջաններ մասնագետներին:

Սկսած 2015 թվականից COAF-ը մշակել և իրագործում է նոր` ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովելու գյուղական աշխարհի համար, ինչ արդյունքում շահում են անհատները, հասարակությունը և միջավայրը: ՍՄԱՐԹ-ը կդառնա զարգացման օրինակելի մոդել և կկրկնօրինակվի Հայաստանի այլ մարզերում և համայնքներում:


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՄԱԿ-ի Միջազգային դատարանը ճանաչել է ԼՂ անկախությունը Ադրբեջանից․ ՀԴԿ

Պատարայից՝ Աստղաշեն. Արցախում նոր ճանապարհներ՝ աշխարհասփյուռ նվիրատուների միջոցներով

Ռուս խաղաղապահներն Արցախում արկեր են վնասազերծել. տեսանյութ

Հակառակորդի կրակոցից ժամկետային զինծառայող է զոհվել. ՀՀ ՊՆ

ՌԴ կառավարությունը հավանություն է տվել Վերին Լարսից ոչ հեռու նոր անցակետի տեղակայմանը

Վթարի են ենթարկվել ՊԲ զինծառայողները, մեկը մահացել է, 4-ի վիճակը ծանր է. ԱՀ ՊԲ

Ջրականում ականի վրա ադրբեջանցի է պայթել

Ադրբեջանը, հին ավանդույթի համաձայն, թաքցրել է մարտական կորուստները եւ դրանք ներկայացրել որպես դժբախտ դեպքեր

Ադրբեջանի պաշտպանության նախարարության տարածած հաղորդագրությունն ապատեղեկատվություն է. ՀՀ ՊՆ

Search