Հայաստանում հոկտեմբերին առաջին անգամ կանցկացվի հեքեթոն` նվիրված համակարգչային և բջջային խաղերի նախագծմանը:
Հայաստանում կանցկացվի 2D խաղերի նախագծման մրցույթ
Հայաստանում հոկտեմբերին առաջին անգամ կանցկացվի հեքեթոն` նվիրված համակարգչային և բջջային խաղերի նախագծմանը:
Ինչպես հաղորդում է «Արցախպրես»-ը՝ «Արմենպրես»-ին տեղեկացրին Ինֆորմացիոն տեխնոլոգիաների ձեռնարկությունների միությունից, հեքեթոնի նպատակն է նախագծել 2D խաղ` թիմով կամ անհատական: Խաղերը կարող են նախագծվել պարզ եղանակներով, ինչպես օրինակ ՝ Flappy Bird, Timberman խաղերը:
Մասնակիցները պետք է ունենան ծրագրավորման գիտելիքներ, նկարելու ունակություն և կարողանան երաժշտական լուծում տալ խաղերին: Դիմող անհատներից կձևավորվեն թիմեր: Կարող են դիմել նաև ձևավորված թիմերը: Հեքեթոնի ամբողջ ընթացքին ներկա կլինեն խաղային ոլորտի տարբեր մասնագետներ, ովքեր խաղերին առնչվող խորհրդատվություն կտան թիմերին:
Մասնակիցների գրանցումը կատարվում է մինչև հոկտեմբերի 1-ը: Հոկտեմբերի 2-ին կկազմակերպվի կողմնորոշիչ հանդիպում, որտեղ մասնակիցները կծանոթանան հեքեթոնի պայմաններին, և անհատ դիմորդներից կձավորվեն թիմեր: Հեքեթոնը կանցկացվի հոկտեմբերի 3-5-ը ԴիջիԹեք Էքսպոյի շրջանակում (Երևան Էքսպո կենտրոն` Հ. Հակոբյան փ., 3):