ԽՍՀՄ նախկին նախագահ Միխայիլ Գորբաչովը «Ռոսիյսկայա գազետայի» կայքում կիրակի հրապարակված իր հոդվածում կոչ է արել ՄԱԿ-ի Անվտանգության խորհրդի անդամներին պետությունների ղեկավարների մակարդակով ընդունել բանաձև՝ միջուկային պատերազմի անթույլատրելիության մասին։
Գորբաչովը կոչ է արել ՄԱԿ ԱԽ-ին բանաձև ընդունել միջուկային պատերազմի անթույլատրելիության մասին
ՍՏԵՓԱՆԱԿԵՐՏ, հունվարի 29, ԱՐՑԱԽՊՐԵՍ: Նա նշել էր, որ ճիշտ կլինի, եթե նման նախաձեռնությամբ հանդես գան ԱՄՆ-ի և Ռուսաստանի նախագահները, որոնց վրա առանձնահատուկ պատասխանատվություն է ընկած։ Նա նշել է, որ դա ճիշտ կլինի, քանի որ այդ երկու երկրներին է պատկանում աշխարհի միջուկային զինանոցների ավելի քան 90 տոկոսը։
Ինչպես գրել է ԽՍՀՄ նախկին նախագահը՝ «բոլորը խոստովանում են, որ կրկին վերսկսվել է սպառազինություններ մրցավազքը», իսկ քաղաքական գործիչների ու զինվորականների հայտարարություններն ավելի ու ավելի ռազմատենչ են հնչում։ «Ստեղծվում է տպավորություն, որ աշխարհը պատերազմի է պատրաստվում»,-նշել է Գորբաչովը։
Ուրբաթ հրապարակվել էր Գորբաչովի հոդվածը Time ամսագրում, որում նա նույնպես կոչ էր արել ԱԽ անդամներին անցկացնել հանդիպում պետությունների ղեկավարների մակարդակով և ընդունել բանաձև, որում կհաստատվի, որ միջուկային պատերազմն անընդունելի է և երբեք չպետք է տեղի ունենա։
