ՀՀ ԱԺ պատգամավոր, «Եվրոպական ինտեգրացիա» ՀԿ-ի ղեկավար Կարեն Բեքարյանը Tert.am-ի հետ զրույցում անդրադարձավ ԵԱՀԿ Մինսկի խմբի առաջին անգամ կատարած հայտարարությանը, որ Ադրբեջանի կողմից է սկսվել սահմանի լարվածությունը և նկատեց, որ հասկանալի էր, թե ինչու բավական լայն արձագանք ստացավ:
Վաղուց ժամանակն է, որ համանախագահների ինստիտուտը գործիքակազմ մշակի և հետևողական քայլերի դիմի. Կարեն Բեքարյան (Tert.am)
ՍՏԵՓԱՆԱԿԵՐՏ, 21 մայիսի, ԱՐՑԱԽՊՐԵՍ: «Որովհետև ամենաբարձր մակարդակից սկսած մինչև փորձագիտական վերլուծություններում ասում էին, որ համահարթեցված, անհասցե ու անատամ հայտարարությունները հերիք չի ոչինչ չեն տալիս, այլ Ադրբեջանը դա ընկալում է որպես իր գործողությունների բացարձակ խրախուսում և, հետևաբար, այդ տեսակետից բավական դրական քայլ էր, որ վերջապես հստակ հասցեականություն ուներ»,-ասաց նա:
Բեքարյանի խոսքով նման հստակ գնահատականը դրական էր, բայց այստեղ էլ կա խնդիր, քանի որ շարունակականության խնդիր կա:
«Որովհետև եթե դա լինի միանգամյա ակցիա, դա խնդիր չի լուծելու, և, հետևաբար համանախագահության կարգի խնդիր կա այդ գիծը շարունակելու: Եվ կա նաև երկրորդ խնդիրը՝ հայտարարությունը գործիք է և, ուստի, հաջորդ գործիքները մշակվա՞ծ են, որովհետև օրինակ հիմա Ադրբեջանը այդ հայտարարությանը որևէ լրջություն չտվեց և գործելաոճ չփոխեց, հաջորդ քայլը որն է: Հետևաբար, վաղուց ժամանակն է, որ համանախագահների ինստիտուտը գործիքակազմ մշակի և հետևողական քայլերի դիմի, և կոնֆլիկտի կողմերից այս դեպքում Ադրբեջանին իր տեղը ցույց տալու»,-ասաց նա:
Դիտարկմանը, որ հայտարարությունից հետո պարզ դարձավ, որ սահմանին կրկին հայ զինվոր է զոհվել, արդյոք դա նշանակո՞ւմ է, որ Ադրբեջանը ոչ թե անտեսում է, այլ դեռ մի բան էլ սպառնում, Բեքարյանը համաձայնեց, թե ինչ-որ չափով՝ այո:
«Դրա համար եմ ասում, որ Ադրբեջանը կարողացել է այս տարիների ընթացքում բոլորին համոզել, որ իր վրա վստահություն ունենալը միամտություն է, բայց հիմա վստահություն չունենալը մի հարց է, փորձերը բերել նորմալ դաշտ՝ այլ հարց: Հիմա հայտարարությունն այդ խնդիրը, ինչպես տեսնում եք, չի լուծում, և դրա համար եմ ասում, որո՞նք են հաջորդ քայլերը: Ժամանակն է, որ լինի կամքի առկայություն և համանախագահներն այդ գործիքակազմն աշխատեցնեն»,-ասաց նա:
Հարցին՝ կիսո՞ւմ է այն մտահոգությունները, թե սրանով Ադրբեջանը պատրաստվում է պատերազմական գործողությունների վերսկման, Բեքարյանը պատասխանեց. «Ադրբեջանի կեցվածը և անվստահությունն իր նկատմամբ, ներքին խժդժությունները, չնայած չերևացող, հաշվի առնելով փակ գործելաոճը, այս ամենը մեզ պետք է հուշի, որ որևէ պարագայում զգոնությունը կորցնելու իրավունք չունենք, պատերազմի հավանականությունը կա ցանկացած պահի և այս պարագայում հույս դնել համանախագահության կամ նրա որևէ հայտարարության վրա, դա, իհարկե, իրատեսական չէ: Առաջինը՝ պետք է մեր հույսը դնենք մեր վրա, մեր բանակի վրա, ՀՀ և Արցախի հանրապետությունների Զինված ուժերի վրա, և այդ տեսակետից չեմ կարծում, որ որևէ բան է փոխվել, որ մենք մեզ թուլացնենք կամ զգոնությունը կորցնենք»:
Իսկ թե նման սադրանքների շարունակությունից կարելի՞ է եզրակացնել, որ ականատես կլինենք ԵԱՀԿ Մինսկի խմբի կողմից ավելի կոշտ մեխանիզմների կիրառման, Կարեն Բեքարյանը նշեց, թե հայտարարությունն, իր կարծիքով, առաջին ծիծեռնակներից է. «Թեև ուշ տեսանք, շատ ուշ, որովհետև շատ-շատ խնդիրներ լրիվ այլ ձևով կլինեին, եթե այդ հասցեական աշխատաոճն ավելի շուտ նկատվեր, բայց, իհարկե, պետք է հիմա հուսալ և աշխատել այդ ուղղությամբ, որ կամքի ցուցաբերում դրսևորվի համանախագահների կողմից հաջորդականության գործիքները հասկանալու առումով»,- ասաց նա:
Մանրամասները՝ սկզբնաղբյուրում
