Եվրոպայի 2019թ. երիտասարդական առաջնության որակավորման փուլի 3-րդ տուրում Հայաստանի մինչև 21 տարեկանների ընտրանին սեփական հարկի տակ խոշոր հաշվով պարտվեց Մակեդոնիայի ընտրանուն` 0:3:
Հայաստանի երիտասարդական հավաքականը պարտվեց խոշոր հաշվով
ՍՏԵՓԱՆԱԿԵՐՏ, 5 սեպտեմբերի, ԱՐՑԱԽՊՐԵՍ: Հյուրերի կազմում հեթ-տրիկի հեղինակ դարձավ Տիհոմիր Կոստադինովը: Այս խաղից հետո Հայաստանի ընտրանին վաստակած 4 միավորով դեռ շարունակում է գլխավորել նախընտրական փուլի 7-րդ խմբի մրցաշարային աղյուսակը:
Նշենք, որ 4-րդ տուրում Հայաստանի Մ21 հավաքականը տանն ուժերը կչափի Ջիբրալթարի ընտրանու հետ: Հանդիպումը կկայանա հոկտեմբերի 2-ին:
Մրցող ընտրանիները խաղադաշտ էին դուրս եկել հետևյալ մեկնարկային կազմերով.
Հայաստան. Հենրի Ավագյան, Արթուր Քարտաշյան, Հակոբ Հակոբյան, Վահագն Հայրապետյան, Հովհաննես Իլանգյոզյան, Նարեկ Ասլանյան (ա), Հայկ Գալստյան, Վահան Բիչախչյան, Հայկ Սարգսյան, Ռոբերտ Հակոբյան, Նարեկ Պետրոսյան
Մակեդոնիա. Ֆիլիպ Իլիկ, Յովան Պոպզլատանով, Ալեքս Սիմովսկի, Կոնստանտին Չեշմեջիև, Նիկոլա Կուլեսկի, Էնուր Տոտրե, Տիհոմիր Կոստադինով, Ռեմզիֆայիկ Սելմանի, Ալեքսա Ամանովիչ, Բոբան Գեորգիև, Էլյիֆ Էլմաս: