ՅՈՒՆԵՍԿՕ-ի ոչ նյութական մշակութային ժառանգության ցանկում տոլման որպես ադրբեջանական ճաշատեսակ ճանաչելը ոչ մի ձևով չի ապացուցվում ներկա ժամանակներում:
Տոլմայի անվանումը հին հայկական ծագում ունի. պարզաբանում է ազգագրագետը
ՍՏԵՓԱՆԱԿԵՐՏ, 7 դեկտեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրույցում ազգագրագետ Լեռնիկ Հովհաննիսյանն ասել է, որ սա Ադրբեջանի յուրացման քաղաքականության հետևանքն է և շարունակությունը խավիարային քաղաքականության: «Թյուրքալեզու քոչվոր ցեղերը եկել և բնակություն է հաստատել հայկական տարածքներում, և այն տնտեսամշակութային տիպն ու կենսաապահովման մշակույթը, որը յուրահատուկ է նստակյաց ժողովուրդներին, այսինքն հայերին և Այսրկովկասի մյուս բնիկներին, բնորոշ չէ քոչվորներին: Եվ այս ժողովուրդներին հատուկ բոլոր գծերը իրենց ազգայինը դարձնելու քաղաքականությունը նրանք սկսել են վաղուց»,- ասել է Լ. Հովհաննիսյանը և ավելացրել, որ տոլման էլ նույն քաղաքականության շարունակությունն է:
