Կորեայի Ժողովրդա-Դեմոկրատական Հանրապետության (ԿԺԴՀ) քաղաքականությունը խաթարում է առանց միջուկային զենքի ապագայի ապահովմանը ուղղված հավաքական ջանքերը, հայտարարել է Ղազախստանի արտաքին գործերի նախարար Կայրատ Աբդրախմանովը:
Ղազախստանի ԱԳ նախարարը դատապարտում է Հյուսիսային Կորեայի վարած անպատասխանատու քաղաքականությունը
ՍՏԵՓԱՆԱԿԵՐՏ, 25 դեկտեմբերի, ԱՐՑԱԽՊՐԵՍ: «Տարածաշրջանում անվտանգության սպառնալիքներից մեկը ԿԺԴՀ-ի միջուկահրթիռային ծրագիրն է», - այս մասին Ղազախստանի խորհրդարանի Ստորին պալատում կառավարական ժամի ընթացքում ասել է Աբդրախմանովը, փոխանցում է «ՌԻԱ Նովոստի»-ն: Նա նշել է, որ «Ղազախստանը ուշադիր հետեւում է Հյուսիսային Կորեայի միջուկային ծրագրի շուրջ լարված իրավիճակի զարգացմանը»: «Մենք կիսում ենք Փհենյանի վարած անպատասխանատու քաղաքականության համընդհանուր դատապարտումը, որը խոչընդոտում է առանց միջուկային զենքի ապագայի ապահովման ուղղությամբ գործադրվող կոլեկտիվ ջանքերը», - եզրափակել է Աբդրախմանովը: Ավելի վաղ ՄԱԿ-ի Անվտանգության խորհուրդը Հյուսիսային Կորեայի վրա ճնշում գործադրելու նպատակով նոր բանաձեւ էր ընդունել: Բանաձեւ պատասխան դարձավ վերջերս ԿԺԴՀ-ի կողմից իրականացված «Խվասոն-15» միջմայրցամաքային բալիստիկ հրթիռի փորձարկմանը: Նշենք,որ նոր սահմանափակումներ են կիրառվել Հյուսիսային Կորեային հում նավթի եւ նավթի վերամշակման արտադրանքի մատակարարման համար: Նախատեսվում է նաեւ 2 տարվա ընթացքում տեղահանել բոլոր երկրներից ժամանած աշխատանքային միգրանտներին: