«Վիքիմեդիա Հայաստան» գիտակրթական-հասարակական կազմակերպության նախաձեռնությամբ 2017 թվականի հունվարին Հադրութի շրջանի Տող գյուղում բացված վիքի ակումբը մեկ տարեկան է:
Տողի վիքի ակումբը մեկ տարեկան է
ՍՏԵՓԱՆԱԿԵՐՏ,10 հունվարի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Տողի վիքի ակումբի համակարգող Անահիտ Ավագյանն ասել է, որ ակումբ է հաճախում 55 երեխա. նրանց թիվն օրեցօր ավելանում է:
Մեր զրուցակցի խոսքով՝ ակումբի երեխաները մեկ տարվա ընթացքում հասցրել են խմբագրել և թարգմանել 600-ից ավելի հոդված, ինչպես նաև Արցախի մասին գրել 10-ից ավելի հոդված:
«Տարվա ընթացքում մեր ակումբի լավագույն խմբագրողներն ամռանը և աշնանը մասնակցել են Աղվերանում կազմակերպված վիքի-ճամբարներին՝ այնտեղ սովորելով Վիքիպեդիայում ավելի բարձր մակարդակով հոդվածներ խմբագրելու ձևերին, զարգացնելով թարգմանչական կարողությունները, ինչպես նաև ձեռք բերելով նաև նոր գիտելիքներ»,-ավելացրել է Ա. Ավագյանը:
