Հայաստանի ռուսական ռազմակայանում սկսվել են հրամանատարների՝ 2018 թվականի առաջին հավաքները:
Հայաստանում մեկնարկել են ռուսական ռազմակայանի հրամանատարների՝ 2018 թվականի առաջին հավաքները
ՍՏԵՓԱՆԱԿԵՐՏ, 15 հունվարի, ԱՐՑԱԽՊՐԵՍ: Ինչպես տեղեկացրել են ՌԴ Հարավային ռազմական օկրուգի մամուլի ծառայությունից, զորամիավորման հրամանատար գնդապետ Վլադիմիր Ելկանովի ղեկավարությամբ անցկացվող եռօրյա պարապմունքների ընթացքում տեսական ու գործնական դասընթացներ կկազմակերպվեն սպաների կայազորային տան ակումբում եւ «Կամխուդ» ու «Ալագյազ» զորափորձարաններում: Սպաներին կներկայացվեն ուսումնական պրոցեսի կազմակերպման ժամանակակից պահանջները հակառակորդի կողմից զանգվածային բնաջնջման զենքի օգտագործման դեպքում հետախուզական-հարվածային (կրակային) կոնտուրների կիրառման հաշվառմամբ: Գործնական պարապմունքներում կշարադրվեն հիմնական պահանջները ենթակա ստորաբաժանումների հետ պարապմունքներ անցկացնելիս՝ ցուցադրելով տակտիկական խմբի գործողությունները պաշտպանության եւ հարձակման ժամանակ, երթեր եւ տարբեր զորաշարժեր կատարելիս: Հավաքների ընթացքում սպաները կմասնակցեն 50 գործնական ու տեսական պարապմունքների, որոնց ավարտին նրանք ատեստավորում կանցնեն մեթոդիկայից, տեսությունից ու պրակտիկայից, 30-ից ավելի նորմատիվներ կհանձնեն ուսուցման հիմնական առարկաներից եւ կլուծեն շուրջ տասը տակտիկական խնդիր: Սպայական հրամանատարական հավաքներում ներգրավված են հարյուրից ավելի սպաներ եւ շուրջ 50 միավոր հատուկ ռազմական տեխնիկա, այդ թվում՝ կործանիչ, բանակային ու անօդաչու ավիացիա:
