Artsakhpress

Քաղաքական

Սումգայիթը ցույց տվեց` բանակն Արցախի ժողովրդի անվտանգության լավագույն երաշխիքն է

Ադրբեջանական իշխանությունները Սումգայիթում արել են նույնը, ինչ 1915 թվականի ապրիլի 24–ին արել են թուրքերը հայերի հետ։

Սումգայիթը ցույց տվեց` բանակն Արցախի ժողովրդի անվտանգության լավագույն երաշխիքն է

Սումգայիթը ցույց տվեց` բանակն Արցախի ժողովրդի անվտանգության լավագույն երաշխիքն է

ՍՏԵՓԱՆԱԿԵՐՏ, փետրվարի 27, ԱՐՑԱԽՊՐԵՍ։  Սումգայիթի ողբերգությունն ապացուցեց, որ Ադրբեջանի իշխանությունները չեն հրաժարվել Օսմանյան կայսրության ժամանակների ցեղասպանության մեթոդներից, Sputnik Արմենիային ասաց ՀՀ ԱԺ փոխխոսնակ, ՀՀԿ մամուլի քարտուղար Էդուարդ Շարմազանովը։

«Սումգայիթյան իրադարձությունները մեծ ողբերգություն են ոչ միայն հայ, այլև խորհրդային ժողովրդի համար։ Տեղի ունեցածի քաղաքական պատասխանատվությունը խորհրդային Ադրբեջանի ղեկավարությունն էր կրում, բայց այդ քաղաքականությունը շարունակում է նաև անկախ Ադրբեջանի ասօրվա ղեկավարությունը, որը մինչ այժմ ճիշտ գնահատական չի տվել Սումգայիթի ողբերգությանը», — ասաց Շարմազանովը։

Նրա խոսքով` այդ ողբերգության ձեռագիրը նման է 1915 թվականի ապրիլի 24-ին Կոնստանդնուպոլսում տեղի ունեցած իրադարձություններին, երբ թուրք իշխանությունները որոշել էին քաղաքը մաքրել հայերից։

«Այդ վանդալությամբ նրանք պատասխանեցին Լեռնային Ղարաբաղի` Խորհրդային Հայաստանին միանալու քաղաքական որոշմանը։ Ղարաբաղի քաղաքական կամքի արտահայտմանը նրանք Սումգայիթով պատասխանեցին։ Կարծում եմ` մենք պետք է անենք ամեն հնարավոր բան, որ աշխարհը ճանաչի այդ ողբերգությունը», — ասաց Շարմազանովը։

Ե՛վ 1988 թվականի Սումգայիթը, և՛ Բաքվի իրադարձությունները, որոնք Սումգայիթի ողբերգության շարունակությունն էին, նրա խոսքով, ապացուցեցին, որ Ադրբեջանի ղեկավարությունը չի գնացել ու պատրաստ չէ բանակցությունների գնալ և ընդունել Արցախի ժողովրդի ժողովրդավարական կամարտահայտումը։

Սումգայիթի, Բաքվի ու Նոր Ջուղայի ողբերգությունները ևս մեկ անգամ ապացուցեցին, որ Լեռնային Ղարաբաղը երբեք չի կարող Ադրբեջանի կազմում լինել։

«Ադրբեջանական ղեկավարությունը Սումգայիթում ու Բաքվում ևս մեկ անգամ ցույց տվեց, որ հայ բնակչության գոյությունը չի ընդունում։ Այդ ողբերգություններն ապացուցեցին, որ Լեռնային Ղարաբաղի անկախության ու անվտանգության երաշխիքը հայկական բանակն է», —ասաց Շարմազամովը։

1988 թվականի փետրվարի 27-29-ին տեղի ունեցած ջարդերի հետևանքով զոհերի ու վիրավորների հստակ թիվ մինչև հիմա չկա։ Սումգայիթյան դեպքերը ազգամիջյան հակամարտության սրացման շրջադարձային փուլ դարձան։ Դրանից հետո հայ փախստականները Սումգայիթից փախան Արցախ ու Հայաստան։

Պաշտոնական տվյալների համաձայն` 26 հայ է մահացել, սակայն բազում վկայություններ կան, որ երեք օրվա ընթացքում հարյուրավոր հայեր են սպանվել ու կտտանքների ենթարկվել։


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Անչափ ցավալի է, երբ հարցականի տակ են դնում Ռոբերտ Աբաջյանի գիտակցված անձնազոհությունը. Լևոն Մնացականյան

Խուզարկություն է կատարվել իմ հայրական տանը, «Մետաքսկոմբինատում» և Տողի «Նոր Կյանք» ջրաշխարհում. Արթուր Աղաբեկյանը հանդես է եկել հայտարարությամբ

Արցախի կառավարության օպերատիվ շտաբի անդամների հայտարարությունը՝ Արթուր Աղաբեկյանի տան խուզարկության առթիվ

Արցախ այցելած զբոսաշրջիկների թիվն աճել է 102 տոկոսով

Շնագայլի հարձակման հերթական դեպքն է արձանագրվել

Արթուր Աղաբեկյանը բաց նամակ է հղել ապրիլյան պատերազմի ժամանակ ստեղծված օպերատիվ շտաբի անդամներին

Սամվել Շահրամանյանը նշանակվել է գերիների, պատանդների եւ անհայտ կորածների հարցերով հանձնաժողովի նախագահ

Նախագահ Սահակյանը ստորագրել է կարգադրություն

Հաթերքում կկայանա «Ժենգյալով հացի փառատոն». մանրամասներ է հաղորդում կազմակերպիչը

Search