Մոլդովայի նախագահ Իգոր Դոդոնը կիրակի հայտնել է, որ այցով ուղեւորվում է Սոչի, որպեսզի մասնակցի ԵՏՄ նիստին, ինչպես նաեւ աշխատանքային հանդիպումներ ունենա Ռուսաստանի, Բելառուսի եւ Ղազախստանի նախագահների, ինչպես նաեւ Հայաստանի վարչապետի հետ:
Իգոր Դոդոնը ցանկություն է հայտնել հանդիպել ՀՀ վարչապետ Նիկոլ Փաշինյանի հետ
ՍՏԵՓԱՆԱԿԵՐՏ, մայիսի 13, ԱՐՑԱԽՊՐԵՍ: Ավելի վաղ ՌԴ նախագահի օգնական Յուրի Ուշակովը լրագրողներին հայտնել էր, որ մայիսի 14-ին Սոչիում կկայանա Եվրասիական տնտեսական բարձրագույն խորհրդի նիստը, եւ նիստին մասնակցությունից բացի նախատեսված է Վլադիմիր Պուտինի երկկողմ հանդիպումները նիստին ներկա բոլոր պետությունների ղեկավարների հետ, որտեղ հյուրի կարգավիճակում հրավիրված կլինի նաեւ Իգոր Դոդոնը։
«Գագաթաժողովի շրջանակներում նախատեսված են երկկողմ հանդիպումներ ՌԴ նախագահ Վլադիմիր Պուտինի, Բելառուսի Հանրապետության նախագահ Ալեքսանդր Լուկաշենկոյի, Ղազախստանի Հանրապետության նախագահ Նուրսուլթան Նազարբաեւի, ինչպես նաեւ Հայաստանի Հանրապետության նոր վարչապետ Նիկոլ Փաշինյանի հետ»,- news.am-ի փոխանցմամբ՝ գրել է Դոդոնը իր ֆեյսբուքյան էջում։