Մարտակերտի Մարաղա գյուղում ադրբեջանցիների կողմից հայ ազգաբնակչության կոտորածի 22-րդ տարելիցի կապակցությամբ՝ Մարտակերտի շրջվարչակազմի ղեկավար Վլադիկ Խաչատրյանը, պատասխանատու աշխատողների հետ այցելել է շրջանի Նոր Մարաղա գյուղ` հարգանքի տուրք մատուցելու անմեղ զոհերի հիշատակին:
Նոր Մարաղա գյուղում հարգանքի տուրք է մատուցվել անմեղ զոհերի հիշատակին
Այսօր՝ Մարտակերտի Մարաղա գյուղում ադրբեջանցիների կողմից հայ ազգաբնակչության կոտորածի 22-րդ տարելիցի կապակցությամբ՝ Մարտակերտի շրջվարչակազմի ղեկավար Վլադիկ Խաչատրյանը, պատասխանատու աշխատողների հետ այցելել է շրջանի Նոր Մարաղա գյուղ` հարգանքի տուրք մատուցելու անմեղ զոհերի հիշատակին:
Ինչպես տեղեկացնում է «Արցախպրես»-ի թղթակիցը ⁄ Լուսինե Զաքարյան⁄, Նոր Մարաղայի կենտրոնում էին հավաքվել Ստեփանակերտից ժամանած երիտասարդական հասարակական կազմակերպությունների մի խումբ անդամներ`Մարաղայում հայերի դեմ իրագործված ոճրագործությունները դատապարտող պաստառներով, համայնքի բնակչությունը եւ ռուսաստանաբնակ մարաղեցիներ:
Մարաղայի անմեղ զոհերի հիշատակը հարգելու էր եկել նաեւ ՀՀ ԱԺ պատգամավոր, վաստակավոր արտիստ, Մարտակերտի պատվավոր քաղաքացի Շուշան Պետրոսյանը: Ներկաները ծաղիկներ եւ ծաղկեպսակ են դրել Մարաղայի կոտորածի անմեղ զոհերի եւ անհայտ կորածների հիշատակին կառուցված հուշակոթողին: Ներկաները նախ մեկ րոպե լռությամբ հարգել են անմեղ զոհերի հիշատակը: Այնուհետև հայերի շարունակական ցեղասպանությունը դատապարտող ելույթներ են հնչել միջոցառման մասնակիցների կողմից:
Բացման խոսքով հանդես եկավ Նոր Մարաղայի Վագիֆ Համբարձումյանի անվան միջն. դպրոցի տնօրեն Լյուբա Գրիգորյանը: Հիշատակի խոսք ասաց ապրիլի 10-ին մարաղեցիներին իր ջոկատով օգնության հասած, նույն օրը զոհված հրամանատար Վարդան Մինասյանի անունը կրող, Մարտակերտի համար 2 հիմնական դպրոցի տնօրեն Մելսիդա Քարդումյանը:
