Հասարակություն

ԳԹԿ փոխտնօրենը գոհ է միասնական քննությունների արդյունքներից

Հունիսի 8-ին կայացած աշխարհագրություն, կենսաբանություն, համաշխարհային պատմություն առարկաների միասնական քննությունների արդյունքներն արդեն հայտնի են:

ԳԹԿ փոխտնօրենը գոհ է միասնական քննությունների արդյունքներից

ԳԹԿ փոխտնօրենը գոհ է միասնական քննությունների արդյունքներից

ՍՏԵՓԱՆԱԿԵՐՏ, հունիսի 14, ԱՐՑԱԽՊՐԵՍ:  «Արցախպրես»-ի թղթակցի հետ զրույցում ԱՀ գնահատման և թեստավորման կենտրոնի (ԳԹԿ) փոխտնօրեն    Մետաքսե Հակոբյանն ասել   է, որ,   ընդհանուր առմամբ, վերոնշյալ  քննությունների  արդյունքները գոհացուցիչ  են:
Նրա  խոսքով՝  կենսաբանություն առարկայից հայտագրված 54 դիմորդից   2  հոգի  ստացել է 19,25  միավոր,իսկ 15-ն  էլ  «անբավարար»  են  գնահատվել: Աշխարհագրություն առարկայից հայտագրված   15 դիմորդներից մեկ  հոգի  ստացել է  18,75  միավոր, իսկ   2 հոգի՝       «անբավարար»: Համաշխարհային   պատմությունից  հայտագրված 10 հոգուց, «անբավարար»  գնահատական  ստացող  չի  եղել,  իսկ   ամենաբարձր  19,5  միավորը  ստացել  է  մեկ  հոգի:
Հունիսի  12-ին  կայացած     հայոց  լեզու   և   հայ  գրականություն    առարկաների  միասնական   քննությունների   արդյունքները    կհրապարակվեն   հունիսի   17-ին:
«Անբավարար  գնահատականներ   ստացած   դիմորդները  հնարավորություն    չունեն  նույն  առարկան  վերահանձնելու,  քանի  որ  միասնական  քննություններում   նման  կարգ    չկա: Նրանք    միայն   կարող  են   նույն  առարկայից  քննություն    հանձնել     հաջորդ  տարվա  քննաշրջանի  ընթացքում»,-նշել  է    ԳԹԿ  փոխտնօրենը:
 
Խոսելով  միասնական  քննությունների   լրացուցիչ  փուլի  մասին՝  Մ.  Հակոբյանը  նաև  ասել է, որ այն   սկսվելու   է     հուլիսի  2-ից, որին   հնարավորություն  կունենան   մասնակցելու  այն  դիմորդները, ովքեր  ովքեր     արտերկրում են,   ունեն  առողջական  խնդիրներ   կամ  էլ    պարտադիր ժամկետային զինվորական  ծառայության  մեջ  են:
 
Տեղեկացնենք, որ   միասնական  քննություններն   ընթանալու  են  հետևյալ   հաջորդականությամբ. հունիսի  15-ին՝  ֆիզիկա,  հունիսի  19-ին՝ օտար   լեզու, հունիսի  22-ին՝ մաթեմատիկա,  հունիսի   25-ին՝ քիմիա  և  հայոց  պատմություն, հունիսի   27-ին՝  ռուսաց  լեզու  առարկաներից:   
 

     

Քաղաքական

Տնտեսություն