ՍՏԵՓԱՆԱԿԵՐՏ, օգոստոսի 3, ԱՐՑԱԽՊՐԵՍ: «Արցախպրես»-ի  թղթակցի  հետ զրույցում    «Haterk Food»-ի    տնօրեն  Սամվել  Միրզախանյանը  պատմել է,  թե   ինչու   է  որոշել   նման  բնական  սննդի  արտադրությամբ  զբաղվել:

Նա  նշել  է, որ    Երևանի պետական բժշկական համալսարանում գենային ինժեներիայի և գենետիկորեն մոդիֆիկացված օրգանիզմների (ԳՄՕ) կործանարար հետևանքների  մասին  հոդված կարդալուց  հետո, իր  համար  պարզեց, որ  ԳՄՕ  պարունակող սննդի օգտագործումն ունի քաղցքեղածին, լետալ և տերատոգեն ազդեցություններ։

«Նույն պահին հոդվածով կիսվեցի իմ ֆեյսբուքյան  էջում՝     նպատակ  ունենալով     ընթերցողների  ուշադրությունը  սևեռել  այդ  փաստի  վրա: Կարճ ժամանակ անց որշեցի ինքս սկսել պայքարն այդ արհավիրքի դեմ։ Մտածեցի  ստեղծել այնպիսի մի սնունդ, որը զերծ  կլինի  ԳՄՕ-ից  և արհեստական հավելանյութերից.  այն պատրաստված   պիտի  լինի միայն    բնական հումքից:Այդպես  էլ  արեցի»,-ավելացրել    է  Ս.  Միրզախանյանը։

Ըստ   մեր   զրուցակցի՝ սննդի  պատրաստման   համար   տևական ժամանակ աշխատել են սննդաբաններ, բժշկական ոլորտի մասնագետներ, մարկետոլոգներ։ Կատարվել է  նաև պրոդուկտի կազմի մեջ մտնող բաղադրամասերի բիոքիմիական անալիզներ և վերլուծություններ։

Ս.  Միրզախանյանի  խոսքով՝   պրոդուկտն ի սկզբանե նախատեսված է  եղել  երեխաների համար՝  որպես առողջարար և լիարժեք սննդակարգի պարտադիր մաս։ Սակայն հետագա կատարելագործման արդյունքում  այն դարձավ նաև երիտասարդ և տարեց մարդկանց սննդակարգի անբաժան մասը:

Այս   սնունդը  մարդուն    տալիս  է      անհրաժեշտ էներգիա, պայքարում է բազմաթիվ հիվանդությունների և ծերացման դեմ, ամրապնդում  է  իմունոհամակարգը։

Խոսելով   պրոդուկտի   անվան  ընտրության   մասին՝  Ս. Միրզախանյանն  ասել  է. «Քանի  որ  մենք  նպատակ ունենք  Հաթերք  գյուղն   աշխարհին ներկայացնել  իր   էկոպրոդուկտով՝  ընտրեցինք    «Haterk Food»  անվանումը»: 

«Haterk Food»-ի  տնօրենը  տեղեկացրել  է,  որ  մեկ ամիս առաջ 145 տարայով արտադրվել է բնական   սննդի առաջին խմբաքանակը։  Նոր   սննդի  մեջ   առկա  են  մեղր,  ծիրանի  չիր, դդմի  սերմեր, պոպոկ,   պնդուկ, արևածաղկի  սերմեր և նուշ: Սնունդն   առաջին անգամ ցուցադրվել է հուլիսի 15-ին Հաթերքում  կազմակերպված  «Ժենգյալով հաց»-ի փառատոնին, որի ժամանակ էլ եղել է հյուրասիրություն և վաճառք։

«Առաջարկներ ենք   ստացել  տարբեր  երկրներից. հուսով   եմ  շուտով    «Haterk Food»-ի  սպառման  աշխարհագրությունը   կմեծանա: Վստահ եմ, որ այն կդառնա  Արցախի ամենաճանաչված բրենդներից  մեկը։ Դիզայներների գերազանց աշխատանքի շնորհիվ այն ունի գրավիչ տեսք և այսօր շատերն այն գնում են որպես նվեր։  Կարծում  եմ  այն  կհետաքրքրի  ոչ  միայն  տեղացի   սպառողներին, այլ  նաև  զբոսաշրջիկներին»,-ասել   է  Ս. Միրզախանյանը   և  նշել   նաև, որ   «Haterk Food»-ն ունի   բրենդինգ և  տարբերանշան։

Տեղեկացնենք, որ    գործում է սննդի  անվճար առաքում Հաթերքից  Ստեփանակերտ և Երևան քաղաքներ: Ստեփանակերտ քաղաքում պրոդուկտը վաճառվում է Նելսոն Ստեփանյան 23/50 հասցեում։ Պրոդուկտի   գինը, կախված տարայի ձևից և չափսից,    կազմում  են  2 900, 3 800 և 3 900  ՀՀ  դրամ։ Ապրանքը կարող են պատվիրել    նաև   «Haterk Food»-ի ֆեյսբուքյան  էջից: