Հետախուզության տվյալները, որոնք առկա են ԱՄՆ-ում, վկայում են, որ կորած սաուդացի լրագրող Ջամալ Հաշքաջին մեռած Է:
ԱՄՆ-ի հետախուզական տվյալները վկայում են Հաշքաջիի մահվան մասին. Թրամփ
ՍՏԵՓԱՆԱԿԵՐՏ, հոկտեմբերի 19, ԱՐՑԱԽՊՐԵՍ-ԱՐՄԵՆՊՐԵՍ:Այս մասին հայտարարել Է ԱՄՆ-ի նախագահ Դոնալդ Թրամփը The New York Times թերթի լրագրողներին տված հարցազրույցում, որը հրապարակվել Է հոկտեմբերի 18-ին: «Եթե հրաշքների հրաշք տեղի չունենա, ես կընդունեի, որ նա մահացած Է»,- ասել Է ԱՄՆ-ի նախագահը: «Ամեն ինչ դա Է վկայում… հետախուզական տվյալներ են ստացվում բոլոր տեղերից»,- հավելել Է նա:
«Դա վատ Է, շատ վատ, եւ հետեւանքները պետք Է լուրջ լինեն»,- ընդգծել Է Թրամփը: Սպիտակ տան ղեկավարը նշել Է, որ դեռեւս «փոքր-ինչ վաղ Է» եզրակացություններ անել այն բանի վերաբերյալ, թե հատկապես ով Է հրամայել սպանել Հաշքաջիին: «Մենք աշխատում ենք մի շարք երկրների հետախուզությունների հետ»,- արձանագրել Է նա: Դրա հետ մեկտեղ նյութում ասված Է, որ Թրամփը «վստահություն Է հայտնել հետախուզության՝ մի շարք աղբյուրների վրա հիմնված տեղեկություններին, որոնք նշում են, որ Հաշքաջիի սպանության հարցում դեր են խաղացել Սաուդյան Արաբիայի ներկայացուցիչներն՝ ամենաբարձր մակարդակով», հաղորդել Է ՏԱՍՍ-ը:
