ՍՏԵՓԱՆԱԿԵՐՏ, 15 նոյեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին, այսօր  տեղի ունեցած մամուլի ասուլիսի ժամանակ ասել է  ԱՀ  ազգային  վիճակագրական  ծառայության  նախագահ   Մանուշ  Մինասյանը:

Ըստ   նրա՝   բազմապտուղ  ծնունդների  թիվն  ընթացիկ  տարվա  հունվար-սեպտեմբերին   կազմել  է  34 (բոլորն  էլ  զույգ)` նախորդ տարվա 46-ի փոխարեն:

«Ըստ  դիտարկման՝ այս  տարվա  ծնված աղջիկ  երեխաների ամենատարածված  անուններն  են  Անի, Մարիա, Նարե և Մանե,   իսկ տղաներինը՝  Դավիթ, Տիգրան, Հայկ և Դանիել»,-նշել  է  Մ.  Մինասյանը:

Ոլորտի  պատասխանատուի  խոսքով՝ այս  տարվա   հունվար-սեպտեմբեր  ամիսներին հանրապետությունում  մահացածների թիվը   կազմել  է   897 մարդ, որն  էլ  նախորդ  տարվա  նույն  ժամանակահատվածի  համեմատ  նվազել է   0.3 %-ով: Հանրապետությունում հաշվետու ժամանակաշրջանում ծնվածների 43.6 %-ը և մահացածների 39.6%-ը բաժին են ընկնում  մայրաքաղաքին:

«Ըստ հիվանդության դասերի դիտարկման՝ մահացածության պատճառական կառուցվածքի բարձր տեսակարար կշիռներ ունեն արյան շրջանառության համակարգի հիվանդությունները 69.8%-ով և նորագոյացությունները 15.3%-ով: Ըստ տարիքային խմբերի մահացածների դիտարկման՝ ինչև 70 տարեկան մահացածները կազմել են ընդհանուրի 30.4 %-ը,  70-ից բարձր տարեկանները` 69.6%-ը: Հաշվետու ժամանակաշրջանում մայրական մահացության դեպք հանրապետությունում չի գրանցվել: Մեռելածինների թիվը ընթացիկ տարվա 9 ամիսներին կազմել է 8 երեխա` նախորդ տարվա նույն ժամանակաշրջանի ցուցանիշը պահպանվել է: Մանկամահացությունը (մինչև 1 տարեկան մահացած երեխաների թիվը 1000 կենդանածնի հաշվով) 2018 թվականի  հունվար-սեպտեմբերին կազմել է 9 դեպք, նախորդ տարվա նույն  ժամանակահատվածի 12-ի  դիմաց: Իսկ  երեխաների մահացությունը (մինչև 5 տարեկան մահացած երեխաների թիվը 1000 կենդանածնի հաշվով)` եղել  է  11 դեպք՝  նախորդ տարվա15-ի  դիմաց»,- մանրամասնել  է   Մ. Մինասյանը: