Հայաստանի Հանրապետության վարչապետի պաշտոնակատար Նիկոլ Փաշինյանն արձագանքել է հնչող մտավախություններին, թե Արցախի պաշտպանության բանակի հրամանտարի պաշտոնից Լևոն Մնացականյանի ազատումը կարող է ազդել բանակի մարտունակության վրա:
Նիկոլ Փաշինյանը համաձայն չէ մտավախությունների հետ, թե Լևոն Մնացականյանի պաշտոնանկությունն ազդելու է բանակի մարտունակության վրա
ՍՏԵՓԱՆԱԿԵՐՏ, 19 դեկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Դիլիջանում լրագրողների հետ զրույցում Նիկոլ Փաշինյանը նշեց, որ դա շատ վատ մեկնաբանություն է բանակի հասցեին, որովհետև այդ պաշտոնում և պաշտպանության բանակի շտաբի պետի պաշտոնում նշանակվել են պաշտպանության բանակի հնաբնակները: «Այդ պաշտոններում նշանակվել են մարդիկ, ովքեր իրենց ամբողջ կյանքում ծառայել են զինված ուժերում և գտնվում են արցախյան ազատամարտի ակունքներում»,- ասաց Փաշինյանը:
Նա հրաժարվեց մեկնաբանել պաշտպանության բանակի հրամանատարի պաշտոնից Լևոն Մնացականյանի ազատումը: «Պարոն Մնացականյանի պաշտոնանկությունը ձեզ հայտնի հանգամանքների բերումով չեմ կարող մեկնաբանել»,- ասաց Փաշինյանը: