Ադրբեջանի նախագահ Իլհամ Ալիևի ռեժիմը համարում է, որ Հայաստան այցելած ցանկացած մարդ պետք է իր կյանքի մնացած մասն անցկացնի բանտում:
«Նրանք պետք է աղոթեն Ալլահին, որ ինձ հետ որևէ բան չպատահի». Լապշինը պատասխանել է Ադրբեջանից հնչած հերթական սպառնալիքներին
ՍՏԵՓԱՆԱԿԵՐՏ, 23 հունվարի, ԱՐՑԱԽՊՐԵՍ: Այդ մասին գրել է Արցախ այցելելու համար Ադրբեջանում դատապարտված, սակայն ավելի ուշ ազատություն ստացած ռուս-իսրայելցի բլոգեր Ալեքսանդր Լապշինը, որին ադրբեջանցիները կրկին շտապել են սպառնալ Հայաստանում արած հերթական հայտարարություններից հետո, հայտնում է Tert.am-ը:
«Ես հետաքրքրությամբ սպասում էի, թե ինչպես են տխմար լրատվամիջոցները (այսինքն՝ ադրբեջանական պաշտոնական) արձագանքելու իմ երեկվա երևանյան մամուլի ասուլիսին, որտեղ ես պատմել եմ Հայաստան այցիս նպատակի ու այն մասին, որ Ադրբեջանի ժողովուրդը հոգնել է Ալիևների-Փաշաևների բռնապետությունից: Եվ այսպես, այսօր նրանք գրում են, որ Լապշինը 2016 թվականին անօրինաբար այցելել է Հայաստան, իսկ ներկայում եկել է Հայաստան ու Ղարաբաղ՝ սադրանքի նպատակով», - գրում է Լապշինը ֆեյսբուքյան իր պաշտոնական էջում՝ նկատելով, որ ադրբեջանցիներն արդեն «անօրինական» են համարում ոչ միայն Արցախ, այլև անգամ Հայաստանի Հանրապետություն այցերը:
Ավելին՝ տվյալ հրապարակման մեջ ադրբեջանական moderator.az կայքը նշում է, որ Ադրբեջանի հասցեին «զրպարտության» համար բլոգերը կարող է պատասխան տալ՝ իր հետագա ամբողջ կյանքն անցկացնելով բանտում, քանի որ «Ադրբեջանի գթությունն» անսպառ չէ:
«Ես հետաքրքրությամբ սպասում էի, թե ինչպես են տխմար լրատվամիջոցները (այսինքն՝ ադրբեջանական պաշտոնական) արձագանքելու իմ երեկվա երևանյան մամուլի ասուլիսին, որտեղ ես պատմել եմ Հայաստան այցիս նպատակի ու այն մասին, որ Ադրբեջանի ժողովուրդը հոգնել է Ալիևների-Փաշաևների բռնապետությունից: Եվ այսպես, այսօր նրանք գրում են, որ Լապշինը 2016 թվականին անօրինաբար այցելել է Հայաստան, իսկ ներկայում եկել է Հայաստան ու Ղարաբաղ՝ սադրանքի նպատակով», - գրում է Լապշինը ֆեյսբուքյան իր պաշտոնական էջում՝ նկատելով, որ ադրբեջանցիներն արդեն «անօրինական» են համարում ոչ միայն Արցախ, այլև անգամ Հայաստանի Հանրապետություն այցերը:
Ավելին՝ տվյալ հրապարակման մեջ ադրբեջանական moderator.az կայքը նշում է, որ Ադրբեջանի հասցեին «զրպարտության» համար բլոգերը կարող է պատասխան տալ՝ իր հետագա ամբողջ կյանքն անցկացնելով բանտում, քանի որ «Ադրբեջանի գթությունն» անսպառ չէ:
«Ամենածիծաղելին այն է, որ 2016-ին ես ո՛չ Հայաստանում, ո՛չ Արցախում չեմ եղել», - նկատում է Լապշինը՝ հիշեցնելով նաև, որ մամուլի ասուլիսի ժամանակ հայտնել է, որ այս անգամ Արցախ մեկնել չի պատրաստվում՝ չցանկանալով դրանով առիթ տալ Ադրբեջանի իշխանություններին շեղել ժողովրդի ուշադրությունը երկրում առկա սոցիալ-քաղաքական լուրջ խնդիրներից ու նրա հրաժարականը պահանջող բողոքի զանգվածային ցույցերից:
Բլոգերը ծիծաղելի է համարել նաև այն, որ Մինսկում ձերբակալության ու Բաքվի բանտում անցկացրած ամբողջ ընթացքում ադրբեջանական իշխանությունները պնդում էին, որ ձերբակալել ու կալանավորել են նրան 2011-ին Արցախ այցելելու համար, իսկ այժմ, կարծես, փոխում են «ցուցմունքը»:
«Այդ ամենը ծիծաղելի կլիներ, եթե այդքան տխուր չլիներ: Որքան մեծ հիմարի տեղ են դնում նրանք սեփական ժողովրդին: Ենթադրում եմ, որ ինչ կապված է կյանքի մնացած հատվածը բանտում անցկացնելու հետ՝ այդ մասին արժե մտածել Ադրբեջանի մի շարք ղեկավարների: Ընդ որում՝ դա իրադարձությունների ամենավատ զարգացումը չի լինի նրանց համար, քանի որ ուրիշ բռնակալի՝ Մուամար Քադաֆիի հետ այդքան էլ մարդասիրաբար չվարվեցին», - գրել է Լապշինը:
Ինչ վերաբերում է սպառնալիքներին՝ բլոգերը համոզված է, որ եթե իր հետ մի բան պատահի, դա, մեղմ ասած, ամենաշատը հենց Ադրբեջանին ձեռնտու չի լինի:
«Նրանք պետք է աղոթեն Ալլահին, որ ինձ հետ, Աստված մի արասցե, որևէ բան չպատահի: Որ Բաթումի իմ տանը պատահաբար գազի պայթյուն տեղի չունենա, որ սառնարանում հանկարծ թույն չհայտնաբերվի, որ փողոցում մեքենան ինձ վրաերթի չենթարկի: Ի դեպ, թմրանյութեր ես նույնպես չեմ օգտագործում, կխնդրեմ նման բան չնետել իմ բնակարան: Կամ եթե պատահաբար ինձ դանակահարեն կամ գնդակահարեն: Ինձ այնքան են սպառնացել ու վախեցրել հանրային կերպով, որ դրանով իսկ չափից մեծ պատասխանատվություն են վերցրել իմ կյանքի ու առողջության համար», - եզրափակել է Լապշինը:
