Artsakhpress

Վերլուծական

Համեմատությունների ելակետի սկզբունքը

Գոլանի բարձունքներն իսրայելական տարածք համարելու` ԱՄՆ նախագահի հայտարարությունը պետք է ընկալել իսրայելամետ իրարահաջորդ շղթայական ելույթների տրամաբանությամբ՝ Երուսաղեմը Իսրայելի մայրաքաղաք ճանաչելու, ամերիկյան դեսպանատունը Թել Ավիվից Երուսաղեմ փոխադրելու, քաղաքական դիրքորոշումների փոխկապակցված օղակների տեսանելիությամբ։

Համեմատությունների ելակետի սկզբունքը

Համեմատությունների ելակետի սկզբունքը
ՍՏԵՓԱՆԱԿԵՐՏ, ապրիլի 1, ԱՐՑԱԽՊՐԵՍ: Հայկական առումով համեմատական վերլուծաբանության ընթացքում ելակետ պետք է նկատել այս դեպքում ոչ թե գրավված տարածք կամ վերահսկվող տարածք իրավաքաղաքական եզրույթների փոփոխությունը, կամ պատերազմի հետեւանքով  իբրեւ անվտանգության երաշխիք ստեղծված իրավիճակի նվիրականացումը, այլ պատմական հիմնավորումներով պատկանելության սկզբունքը։ Ավելի պարզ բացատրությամբ` Գոլանը գրավվել է Իսրայելի կողմից եւ ոչ թե ազատագրվել` նկատի ունենալով պատմական առումով նրա պատկանելությունը Սիրիային։
Համեմատական տրամաբանությունն ուրեմն այլ ուղղությամբ պետք է աշխատի։ Գոլանի գրավումը կարելի է համեմատել Արծվաշենի կամ, ընդհանրապես, Ադրբեջանի կողմից Հյուսիսային Արցախի գրավման հետ։
Հայկական դիտանկյունից սկզբունքային այս ելակետի որդեգրումն անպայման նկատի չունի տարածաշրջանի հայկական համայնքների մոտեցումները հաշվի առնելը կամ նրանց ապրած երկրների պետական կեցվածքների համահունչ հայտարարություններ անելու անհրաժեշտությունը։
Պարզ է, որ Իրանը, Իրաքը, Սիրիան եւ Լիբանանը պիտի դատապարտեին Թրամփի վերջին հայտարարությունը. Լիբանանը հատկապես խոր միահոգություն ունի, որ Իսրայելի կողմից իբրև պատերազմական իրավիճակի հետեւանք եւ մինչ այժմ գրավված հարավային շրջանի որոշ տարածքներ կարող են ենթարկվել նման կարգավիճակ ճշտող ամերիկյան հայտարարությանը։
Նույն արցախյան հիմնախնդրի շրջագծում պետք է նկատի ունենալ հետեւյալ հանգամանքները` Թրամփի հայտարարությունը քննադատեցին ՄԱԿ-ը, ՌԴ-ն, ԵՄ-ը, Իրանը, Սաուդյան Արաբիան, Թուրքիան։
Մի պահ շրջանցելով համաարաբական զորակցություն դրսեւորելու փաստն ու արաբական երկրների կեցվածքը` նկատենք, որ Անկարան հակաիսրայելական հայտարարությունների առաստաղի բարձրացման այս օրերին, արաբ զանգվածների մոտ հեղինակության մագլցման, Արեւմուտքի եւ շեշտված ձեւով ԱՄՆ-ի դեմ կարգախոսային պատերազմ առաջնորդելու դիրքերի վրա է։ Այս կեցվածքները, եթե մի կողմից բացատրվում են համապետական ընտրություններին վարկանիշ արձանագրելու մտադրությամբ, մյուս կողմից` տարածաշրջանում գլխավոր խաղացողի կարգավիճակը պահպանելու քաղաքականությամբ։
Այս առումով դիրքորոշվելու մեջ ավելի երկչոտ է, բնականաբար, Բաքուն` նկատի ունենալով Իսրայելի հետ իր մշակած հարաբերությունները մի կողմից, մյուս կողմից նաեւ` Անկարայի հաշվարկը։ Այս հանգամանքները գերակշռում են Բաքվի մոտ, քան արցախյան պատերազմի հետեւանքով ստեղծված անվտանգության տարածքի գոյավիճակների ընդունման ընդհանրացման հնարավորությունը։
Հիմնականն այս դեպքում՝ միջազգային ընտանիքն է, ՌԴ-ն, ԵՄ-ն եւ Իրանը, որոնց ուղղությամբ  հայկական ոսպնյակը պետք է առարկայական գնահատական տա ՝ նրանց դիրքորոշումները նկատի ունենալով։
Հետեւաբար` քաղաքականորեն կարող է ճիշտ չընկալվել միջազգային ընտանիքի, արցախյան հակամարտության բանակցությունների միջնորդի դեր ստանձնած՝ ՌԴ-ի, Ֆրանսիայի (ԵՄ-ի ուղիով), ուղղակի ԵՄ-ի եւ հակամարտության ուղղությամբ հավասարակշիռ կեցվածք որդեգրած Իրանի կեցվածքներին ի հեճուկս դրական ուղերձ ընկալել Վաշինգտոնի կողմից Գոլանի կարգավիճակը իսրայելյան գերիշխանության տակ տեսնող հայտարարությունից։ Մանավանդ, որ քաղաքական տրամաբանությունը հուշում է, որ նույնինքն տվյալ պետության համար Գոլանի համար տրված կարգավիճակային բնութագիրը անպայման չի օգտագործվի, օրինակ, Քարվաճառի կամ Լաչինի համար։ Չհաշված այն իրականությունը, որ Վաշինգտոնը, Փարիզն ու Մոսկվան արցախապատկան տարածքների համար սկզբունքով պետք է համաձայնեցնեն իրենց կողմից օգտագործելի կարգավիճակային եզրութաբանությունը։
 ՇԱՀԱՆ ԳԱՆՏԱՀԱՐՅԱՆ
«Ազդակ» թերթի գլխավոր խմբագիր

     

Քաղաքական

Տնտեսական

Արցախի թեմն ազատվել է գույքահարկից և հողի հարկի գծով առաջացած պարտավորություններից. ֆինանսների նախարար

ԱՀ կառավարության նիստին ներկայացված «Գույքահարկի մասին» օրենքում լրացումներ կատարելու մասին» և ««Հողի հարկի մասին» օրենքում փոփոխություն և լրացումներ կատարելու մասին» օրենքների նախագծերի փաթեթով առաջարկվել և որոշվել է, որ Հայաստանյայց Առաքելական Սուրբ Եկեղեցու Արցախի թեմին ազատել սեփականության իրավունքով պատկանող` հուշարձանի կարգավիճակ չունեցող եկեղեցիների, հոգևոր-մշակութային, կրթադաստիարակչական, եկեղեցական և ծիսական պարագաների արտադրության և իրացման համար օգտագործվող շենքերի ու շինությունների համար հաշվարկվող գույքահարկից և դրանց սպասարկման համար անհրաժեշտ հողամասերի հողի հարկից, ինչպես նաև ազատել մինչև 2019 թվականի հունվարի 1-ը հաշվարկված գույքահարկի և հողի հարկի գծով առաջացած պարտավորություններից:

Բաժնի բոլոր նյութերը

Հասարակական

Ամենադիտված

ամիս

շաբաթ

օր

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Վանեցյանն անդրադարձել է իր հրաժարականին և հետագա անելիքներին

Բակո Սահակյանը հրավիրել է աշխատանքային խորհրդակցություն

Ստեփանակերտի որոշ փողոցներում ժամանակավորապես կդադարեցվի գազամատակարարումը

Քարվաճառում առաջին անգամ կազմակերպվել է մեղրի փառատոն (լուսանկարներ)

Search