Artsakhpress

Սպորտ

Համահայկական խաղերին մասնակցելու համար Սփյուռքից ներկայացրել են 4000 մասնակցի հայտ

ՀՀ սպորտի և երիտասարդության հարցերի նախարարության դահլիճում տեղ է ունեցել համատեղ նիստ, որին մասնակցել են Համահայկական խաղերի համաշխարհային կոմիտեի նախագահ Իշխան Զաքարյանը, ՀՀ սպորտի և երիտասարդության հարցերի նախարար Գաբրիել Ղազարյանը և ՀԱՕԿ-ի նախագահ Գագիկ Ծառուկյանը:

Համահայկական խաղերին մասնակցելու համար Սփյուռքից ներկայացրել են 4000 մասնակցի հայտ

Համահայկական խաղերին մասնակցելու համար Սփյուռքից ներկայացրել են 4000 մասնակցի հայտ

ՍՏԵՓԱՆԱԿԵՐՏ, ՄԱՅԻՍԻ 29, ԱՐՑԱԽՊՐԵՍ-ԱՐՄԵՆՊՐԵՍ։  Նիստին ներկա են գտնվել նաև Խաղերի օրակարգում ընդգրկված 17 մարզաձևերի ֆեդերացիաների ներկայացուցիչներն, ինչպես նաև Համահայկական ամառային 6-րդ խաղերի կազմակերպման և անցկացման համար ձևավորված հանձնաժողովների ղեկավարները:

Գաբրիել Ղազարյանը ողջունել է ներկաներին և ասել, որ այսօր ներկա են մարզական երեք կարևոր կառույցների ղեկավարները: Նախարարը նշել է, որ խաղերի կազմակերպման և անցկացման համար ձևավորվել է կառավարական կազմկոմիտե, որում ընդգրկված են 30 գերատեսչություններ: Համահայկական խաղերի համաշխարհային կոմիտեում ստեղծվել է նաև 12 հանձնաժողով, որոնց ղեկավարներին և աշխատանքների ոլորտները ներկայացրել է նախարար Ղազարյանը: «Համահայկական խաղերը ապացուցում են սպորտի համախմբող ուժը, քանզի այս խաղերը մեկտեղում են ողջ հայությանը` Հայաստանում, Արցախում և Սփյուռքում: Խաղերը, մարզական մրցակցությունից և տարբեր մարզաձևում ուժերը չափելուց բացի, մասնակիցներին տալիս է նաև լավ հնարավորություն՝ ձեռք բերել նոր ընկերներ»,- ասել է նախարարը:

Համահայկական խաղերի համաշխարհային կոմիտեի նախագահ Իշխան Զաքարյանը շնորհակալություն է հայտնել Սպորտի և երիտասարդության հարցերի նախարարությանը և ՀԱՕԿ-ին՝ խաղերի կազմակերպչական աշխատանքներին աջակցելու համար: Կոմիտեի նախագահը տեղեկացրել է, որ այս խաղերը կանցկացվեն ՀՀ մայրաքաղաք Երևանում, ԼՂՀ մայրաքաղաք Ստեփանակերտում, Գյումրիում, Վանաձորում, Աբովյանում, Արտաշատում: «Համահայկական 6-րդ ամառային խաղերը աննախադեպ կլինեն ոչ միայն մասնակիցների քանակով, այլ նաև քաղաքների աշխարհագրությամբ: Այս պահի դրությամբ՝ միայն Սփյուռքից արդեն կա 4000 մասնակցի հայտ», - նշել է ՀԽՀԿ նախագահը:

Ելույթ է ունեցել նաև ՀԱՕԿ նախագահ Գ. Ծառուկյանը, որը ողջունելով համահայկական խաղերի անցկացման գաղափարը, նկատել է, որ խաղերը անցկացվում են արդեն վեցերորդ անգամ և կազմակերպիչները ունեն խաղերի անցկացման լավագույն փորձը: «ՀԱՕԿ-ը շարունակելու է իր աջակցությունը խաղերի կազմակերպման և հաջող անցկացման գործում: Բազմիցս լինելով արտերկրում՝ ես զգացել եմ, թե որքան կարևոր է հայ երիտասարդների կապը հայրենիքի հետ և այսօր այդ կապն իրագործվում է համահայկական խաղերի միջոցով»,- ասել է Ծառուկայնը և տեղեկացրել, որ խաղերի կազմակերպման համար «Ծառուկյան բարեգործական հիմնադրամի» կողմից տրամադրելու է 50 մլն ՀՀ դրամ: «Համահայկական խաղերը շատ կարևոր մարզական և պետական միջոցառումներնե են, որոնք ամրապնդում են Հայաստան-Արցախ-Սփյուռք կապը: Առավել քան վստահ եմ, որ մասնկիցները Հայաստանից կմեկնեն լավ տպավորությամբ` նորից հայրենիքի վերադառնալու ցանկությամբ»,- նշել է ՀԱՕԿ նախագահը:

 Համահայկական ամառային 6-րդ խաղերի ջահը մայիսի 8-ին վառվեց Շուշիում և Արցախի ու Հայաստանի քաղաքներով կուղևորվի Հայաստանի Հանրապետության մայրաքաղաք Երևան: Ջահը կանցնի հայաշատ մի շարք քաղաքներով: Համահայկական ամառային 6-րդ խաղերը կանցկացվեն օգոստոսի 2-13-ը: Խաղերի օրակարգում ընդգրկված նախկին տասը մարզաձևին` ֆուտբոլ, մինիֆուտբոլ, բասկետբոլ, վոլեյբոլ, ատլետիկա, թենիս, սեղանի թենիս, շախմատ, բադմինթոն, լող, ավելացնել են ևս յոթը` լողափնյա վոլեյբոլ, սպորտային պարեր, գոլֆ, հանդբոլ, բազկամարտ, հեծանվասպորտ և հրաձգություն:

 


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Մարտակերտի բնակիչը կատարել է գողություն եւ սպանություն, հափշտակել ռազմամթերք ու ապօրինի պահել այն. ԱՀ դատախազություն

Ադրբեջանի զինվորականները բռնություն են գործադրել ու սպանել Արցախի Հանրապետության քաղաքացուն. ԱԱԾ

Տեղի է ունեցել Ցորի հրետանային դիվիզիոնի զինծառայողների հոգեհանգիստը

Բջջային կապի և համացանցի հասանելիությունն Արցախի տարածքում միտումնավոր խլացվում է ադրբեջանցիների կողմից․ ՄԻՊ

Ստեփանակերտի շենքերից մեկում հրդեհ է բռնկվել. բնակիչները տարհանվել են

Ադրբեջանը 10 զինծառայող է փոխանցել Հայաստանին

Ադրբեջանը Արցախի քաղաքացու է գերի վերցրել. ռուս խաղաղապահները բանակցում են

ԱՀ ԱԱԾ-ի կողմից կձեռնարկվեն բոլոր միջոցները Ռոման Բաղդասարյանի հայտարարության իսկության ստուգման և տեղեկության կեղծ լինելը բացահայտելու ուղղությամբ

Արցախի գազաֆիկացված համայնքների բնակիչ-բաժանորդների համար սպառած էլեկտրաէներգիայի գնի փոխհատուցման աջակցությունն այսօրվանից կդադարեցվի

Search