Գիտնականները պարզել են, թե որքան ժամանակ է, որ մոլորակի վրա գոյություն ունի ջուրը:
Երկրի մակերեսին ջուրը գոյություն է ունեցել դեռ 2.7 մլրդ տարի առաջ
ՍՏԵՓԱՆԱԿԵՐՏ, 1 ապրիլի, ԱՐՑԱԽՊՐԵՍ: Երկրաքիմիայի ու վերլուծական քիմիայի ինստիտուտի ռուս գիտնականները Գերմանիայի ու Ֆրանսիայի իրենց գործընկերների հետ լայնածավալ հետազոտություն են արել ու տեսակետ հայտնել, որ Երկրի մակերեսին ջուրը գոյություն է ունեցել դեռ 2.7 մլրդ տարի առաջ:
Մասնագետները վստահ են , որ հենց այդ հեղուկը կարող էր դառնալ հիմք ծովերի ու օվկիանոսների ստեղծման համար , հայտնում է Informing–ը:
Գիտնականները մանրակրկիտ ուսումնասիրել են կոմատիիտ կոչվող մագմատիկ ապարի բաղադրությունը: Այդ ապարը հալած հոսքերի կազմում Երկրի միջուկից դրա մակերես է դուրս գալիս:
Դրանում գիտնականները հայտնաբերել են օլիվին հանքանյութի մնացորդները, որոնցում էլ 0.6 տոկոսի չափով ջուր է հայտնաբերվել: Մասնագետները ասում են, որ դա 20-50 անգամ շատ է այն քանակից, որը կարելի էր ենթադրել:
Գիտնականները համարում են , որ տվյալ հետազոտությունը հիմքեր է տալիս ենթադրելու, որ ջուրը Երկրի վրա առաջացել է ոչ թե լիտոսֆերիկ սալիկների շարժման արդյունքում, այլ սկզբից եւեթ եղել է մեր մոլորակի մակերեսին դրա:
Հիմա գիտնականները փորձում են ապացուցել , որ ավելի քան 3 մլրդ տարի առաջ ջուրը կարող էին Երկիր բերել աստերոիդները եւ այդ նպատակով փորձեր են անում 3.5 մլրդ տարեկան կոմատիիտների վրա:
