Ֆրանսիայում լայնածավալ բողոքի ակցիա է նախատեսված ապրիլի 9-ին, տեղական ժամանակով 16-ին, որը միաժամանակ նույն ժամին կանցկացվի Փարիզում, Լիոնում և Մարսելում։
«Ղարաբաղը մերն է»․ հազարավոր հայերի ցույցը Փարիզում՝ Ադրբեջանի դեսպանատան դիմաց
ՍՏԵՓԱՆԱԿԵՐՏ, 6 ապրիլի, ԱՐՑԱԽՊՐԵՍ: Նախօրեին՝ ապրիլի 5-ին, մոտ 1000 հայեր բողոքի ակցիա են անցկացրել Փարիզում Ադրբեջանի դեսպանատան մոտակայքում։ Ակցիայի մասնակիցներն իրենց բողոքն էին արտահայտում Ադրբեջանի կողմից Լեռնային Ղարաբաղի նկատմամբ ագրեսիայի կապակցությամբ։
Panorama.am-ի փոխանցմամբ՝ ակցիայի մասնակիցներն ունեին պաստառներ, որոնց վրա գրված էին «Ալիև մարդասպան», «Արդարություն Ղարաբաղի հարցում», «Ալիև՝ դուրս մեր երկրից», վանկարկում էին «Ղարաբաղը մերն է»։
Ակցիայի մասնակիցները մոտենալով Ադրբեջանի դեսպանատանը, մի քանի մետր հեռավորության վրա, որից առաջ ոստիկանության ուժերը թույլ չթողեցին մոտենալ, նետում էին ձվեր, պայթուցիկներ։
Ակցիայի մասնակից երիտասարդները դեսպանատան դիմաց հայտարարություն կարդացին։
