Կանադայի կառավարությունը մտադրություն է հայտնել 2017 թվականին երկրում ընդունելու մոտ 300 հազար ներգաղթյալ։

1 նոյեմբերի, 2016, 10:16

Կանադան ծրագրում է 2017 թվականին ընդունել մոտ 300 հազար ներգաղթյալ

ՍՏԵՓԱՆԱԿԵՐՏ, 1 նոյեմբերի, ԱՐՑԱԽՊՐԵՍ։   Այս մասին փոխանցում է RIA Novosti-ն։

Ինչպես նշվում է՝ երկիր ժամանողների մեծամասնությունը կընդունվի իշխանությունների կողմից որպես տնտեսական միգրանտ, իսկ 300 հազարը, միգրացիայի հարցերով նախարար Ջոն Մաքքալումի խոսքով՝ հանդիսանում է նշագիծ, որը թույլ կտա ապագայում մեծացնել ներգաղթյալների թիվը։

«Ես իսկապես հավատում եմ, որ ներգաղթյալների ավելի մեծ թիվը լավ քաղաքականություն կլինի Կանադայի համար ժողովրդագրական նկատառումներով»,-հայտարարել է Մաքքալումը։

Ինչպես նշում է գործակալությունը՝ Կանադան չի փոխել ներգաղթյալների ընդունման անցած տարվա պլանը, այսինքն՝ ցուցանիշը կրկին մնում է 300 հազար։

Համաձայն 2017 թվականի պլանի՝ տնտեսական միգրանտների թիվը կմեծանա՝ 160 հազարից հասնելով 172,5 հազարի, միևնույն ժամանակ իշխանությունները նախատեսում են նվազեցնել փախստականների կատեգորիան՝ 55.8 հազարից դարձնելով 40 հազար։