LՂՀ մշակույթի և երիտասարդության հարցերի նախարարության նախաձեռնությամբ Հայաստանի ամերիկյան համալսարանի փորձագետներն Արցախի երիտասարդների համար Ստեփանակերտի «Թումո» կենտրոնում կարճաժամկետ վերապատրաստման սեմինար-դասընթացներ են ացկացնում:
Ամերիկյան համալսարանի փորձագետները Ստեփանակերտում սեմինար-դասընթացներ են ացկացնում
ՍՏԵՓԱՆԱԿԵՐՏ, 26 նոյեմբերի, ԱՐՑԱԽՊՐԵՍ: Սեմինար-դասընթացները նպատակ էին դրել սովորեցնելու մարդու առաջնորդ լինելու նրբությունները, մոտիվացիան և հզորացմումը, ժամանակի կառավարումը, թիմային աշխատանքի հիմունքները, բանակցությունները, հաղորդակցման հմտությունները, հանրային ելույթ վարելու ունակությունների զարգացումը:
«Արցախպրես»-ի թղթակցի հետ զրույցում փորձագետ Էդմոնդ Ղուլյանը, անդրադառնալով սեմինար-դասընթացի նպատակին, նշել է, որ այն ուղղված է երիտասարդության հմտությունների զարգացման գործին:
«Դասընթացին մասնակցող Արցախի երիտասարդները պիտի կարողանան սովորել թիմերի կառավարումը, թիմերով աշխատելը, առաջնորդ լինելը և այլն: Մենք խոսել ենք այնպիսի գաղափարների և մեթոդների մասին, որոնք այսօրվա աշխատաշուկայում շատ կարևոր են: Դրանց տիրապետելով՝ նրանք կկարողանան իրենց ճիշտ ներկայացնել ու դրսևորել, ավելի հեշտ աշխատանք կգտնեն և կկարողանան, որպես մասնագետ, գործատուին ցույց տալ իրենց դրական և ուժեղ կողմերը»,- ասել է Է. Ղուլյանը:
Փորձագետ Արտակ Ալոյանի կարծքով էլ նման դասընթացները նաև շատ են կարևոր երիտասարդների մասնագիտական աճի ապահովման գործում:
«Մեր երկօրյա հագեցած ծրագիրը մեկնարկել է երեկ: Նպատակն այն է, որ մասնակիցներին տանք առաջադրանք և տեսնենք, թե ինչպես են նրանք թիմերով կարողանում աշխատել և կատարել տրված հանձնարարությունը: Մեր տված հմտություններն ընտրել ենք այնպես, որ դրանք նրանք կարողանան հետագայում Արցախի պայմաններում կիրառել և իրականացնել:
Հենց առաջին օրը մասնակիցներին վեց խմբի ենք բաժանել: Վեցն էլ հետաքրքիր գաղափարներ են առաջարկել, որոնք վերաբերում են ծառայություններին, փոքր բիզնեսին, ուսումնական գործընթացին: Ես հիացած եմ Արցախի երիտասարդների գաղափարներով»,- մասնավորապես ասել է Ա. Ղուլյանը:
Սեմինար-դասընթացները հագեցած էին հետաքրքիր ու ինտերակտիվ գործնական աշխատանքներով։
