Միջազգային հանրությունը պետք է արձագանքի Ադրբեջանի կողմից հրադադարի ռեժիմի պարբերական խախտումներին:
Քաղաքագետ. Միջազգային հանրությունը պետք է արձագանքի Ադրբեջանի կողմից հրադադարի խախտման դեպքերին
ՍՏԵՓԱՆԱԿԵՐՏ, մարտի 12, ԱՐՑԱԽՊՐԵՍ: Այս մասին հայտարարեց Կովկասի ինստիտուտի փոխտնօրեն, քաղաքագետ Սերգեյ Մինասյանը՝ NEWS.am-ի թղթակցի խնդրանքով մեկնաբանելով Ֆրանսիայի նախագահ Ֆրանսուա Օլանդի հայտարարությանն ադրբեջանական լրատվամիջոցների արձագանքին:
«Նրանք ճիշտ եզրահանգում են արել: Բոլորին, առաջին հերթին՝ հենց ադրբեջանցիներին, լավ հայտնի է, թե որ կողմն է պարբերաբար խախտում հրադադարի ռեժիմը, որ կողմն է օգտագործում այն հանգամանքը, որ ներկայում հրադադարի ռեժիմի պահպանման դիտարկման գործող մեխանիզմներ չկան: Միջազգային հանրությունն այս կամ այն կերպ պետք է արձագանքի»,- նշեց Մինասյանը:
Պատասխանելով հարցին, հնարավո՞ր է այդ թեման քննարկվի Ադրբեջանի նախագահի՝ Փարիզ առաջիկա այցի ընթացքում, Սերգեյ Մինասյանը նշեց. «Տեսնենք: Ամեն դեպքում՝ ադրբեջանական մամուլի արձագանքը խոսում է այն մասին, որ Բաքվում սպասում են իրադարձությունների նման զարգացման»:
