Հարավային ռազմական օկրուգի Հայաստանում տեղակայված ռուսական ռազմական բազայում մեկնարկել են կործանիչ եւ բանակային ավիացիայի օդաչուների համատեղ զորավարժությունը՝ հակաօդային պաշտպանության զորքերի եւ վերգետնյա ռադիոտեխնիկական ծառայության դիտակետերի մարտական հաշվարկների հետ:
ՀՌՕ-ի ավիացիան եւ ՀՕՊ-ը համատեղ զորավարժություններ են անցկացնում՝ Հայաստանում ՌՏԿ հաշվարկների հետ
ՍՏԵՓԱՆԱԿԵՐՏ, ապրիլ 6, ԱՐՑԱԽՊՐԵՍ: ՀՌՕ-ի մամուլի ծառայությունից հայտնում են, որ զորավարժությունները կտեւեն 3 օր՝ ձմեռային ժամանակաշրջանի ուսուցման վերաստուգմանը նախապատրաստվելու շրջանակներում: Օդային թիրախների հայտնաբերման եւ հրթիռային ու հրետանային սպառազինության կիրառման համար կոորդինատներն օդանավերին, ուղղաթիռներին եւ ՀՕՊ միջոցներին փոխանցելու միջոցառումներին ներգրավված են ավելի քան 200 զինծառայողներ եւ մոտ 50 միավոր ավիացիոն ու հատուկ ռազմական տեխնիկա:
Զորավարժություններին կմասնակցեն ՄիԳ-29-ի չորրորդ սերունդի կործանիչներ, Մի-24 հարվածային ուղղաթիռներ, Մի-8ՄՏ ռազմական փոխադրամիջոցներ, Ս-300Վ զենիթահրթիռային համալիրներ, Բուկ-Մ1-2 ԶՀՀ-ներ, նաեւ Պ-18 «Թերեք» ռադիոտեղորոշիչ կայաններ:
«Թերեք» ՌՏԿ-ի գլխավոր առանձնահատկությունը դրա կիրառումն է Ցելսիուսի -40-ից մինչեւ +50 աստիճան ջերմաստիճանային ռեժիմում, բարձրլեռնային ապառաժուտ տեղանքի անմատչելի վայրերում, նաեւ մեծ հեռավորությամբ օդային թիրախների հայտնաբերման եւ ուղեկցման, թիրախների պետական պատկանելության որոշման եւ կոորդինատների փոխանցման համար:
Անդրկովկասում ռուսական միավորման զորավարժություններն անցկացվում են ավիացիայի կառավարաման կետերի եւ ՀՕՊ միջոցների հետ համագործակցության խնդիրների մշակման համար՝ օդային թիրախները հայտնաբերելու ժամանակ իրադրության մասին տվյալների հետագա փոխանցմամբ եւ ԱՊՀ երկրների միավորված ՀՕՊ համակարգում սպառազինության կիրառման թիրախների նշմամբ:
