Ֆուտբոլի Ֆրանսիայի հավաքականի կազմում 1998թ. աշխարհի չեմպիոն Յուրի Ջորկաեֆը leprogres-ի թղթակցի հետ զրույցում պատմել է Հայաստան այցելության եւ հայկական ֆուտբոլի մեծ պոտենցիալի մասին:
Յուրի Ջորկաեֆը՝ Հայաստանի հավաքականը գլխավորելու հավանականության եւ Ցեղասպանության մասին
Ինչպես հաղորդում է «Արցախպրես»-ը,ֆուտբոլի Ֆրանսիայի հավաքականի կազմում 1998թ. աշխարհի չեմպիոն Յուրի Ջորկաեֆը leprogres-ի թղթակցի հետ զրույցում պատմել է Հայաստան այցելության եւհայկական ֆուտբոլի մեծ պոտենցիալի մասին:
Յուրի, հիշո՞ւմ եք այն ընդունելությունը, որին 15 տարի առաջ արժանացաք Հայաստանում:
Դա մոռանալ անհնար է: Մենք այդ ժամանակ աշխարհի գործող չեմպիոնն էինք եւ վերադարձա այն երկիր, որտեղից տատիկս եւ պապիկս փախել էին Ցեղասպանության ժամանակ: Ինձ հյուրընկալեց Հայաստանի նախագահը եւ տվեց հայկական անձնագիր: Այնտեղ, որտեղ մեծացել եմ, ապրում էին մեծ թվով հայեր: Ամեն ինչ հրաշալի էր: Հանդիպումն էլ ստացվեց հաջող, քանի որ դարձա գոլի եւ երկու արդյունավետ փոխանցման հեղինակ:
Դրանից հետո նորից եղե՞լ եք Հայաստանում:
Այո, Ժակ Շիրակի հետ, մեկ անգամ էլ`Նիկոլյա Սարկոզիի հետ: Կվերադառնամ հաջորդ տարի, որպեսզի ներկա լինեմ Ցեղասպանության 100-րդ տարելիցի միջոցառումներին: Մինչեւ Թուրքիան չընդունի Ցեղասպանության փաստը, այդ վերքը կմնա մեր սրտում:
Կցանկանայի՞ք դառնալ Հայաստանի հավաքականի գլխավոր մարզիչը:
Մի պահ մտածում էի այդ մասին: Այժմ հայկական ֆուտբոլն ունի մեծ պոտենցիալ: Սակայն նման քայլերը պետք է ձեռնարկի ֆեդերացիան: Հիմա Հայաստանի հավաքականը հնարավորություն ունի հայտնվել Եվրո-2016-ի եզրափակիչ փուլում եւ ցանկանում եմ, որ թիմը հասնի հաջողության: