Artsakhpress

Հասարակական

«Արցախփոստ»-ի նամականիշերն աշխարհի շատ երկրներում մեծ պահանջարկ են վայելում. գործադիր տնօրեն

«Արցախփոստ» ընկերությունը 2017 թվականին թողարկել է 12 թեմատիկայով 20 նամականիշ:

«Արցախփոստ»-ի նամականիշերն աշխարհի շատ երկրներում մեծ պահանջարկ են վայելում. գործադիր տնօրեն

«Արցախփոստ»-ի նամականիշերն աշխարհի շատ երկրներում մեծ պահանջարկ են վայելում. գործադիր տնօրեն

ՍՏԵՓԱՆԱԿԵՐՏ, 30 մայիսի, ԱՐՑԱԽՊՐԵՍ:Այս մասին «Արցախպրես»-ի թղթակցի հետ

 զրույցում տեղեկացրել է «Արցախփոստ» փակ բաժնետիրական ընկերության

 գործադիր տնօրեն Գարիկ Գրիգորյանը՝ մանրամասնելով, որ թողարկվել են՝ Նիկոլ Դումանի ծննդյան 150-ամյակին, մայիսյան Եռատոնի առթիվ Պաշտպանության բանակի հիմնադրման և Շուշիի ազատագրման 25-ամյակներին նվիրված նամականիշներ:

«Բացի այդ ընկերությունն ամեն տարի թողարկում է Արցախի ֆլորան և ֆաունան, ինչպես նաև կարմիր գրքում գրանցված կենդանատեսակները ներկայացնող դրոշմանիշեր: Առաջիկայում նախատեսվում է Հովհաննես Այվազովսկու ծննդյան 200-ամյակին և «Արցախի կիրառական արվեստը» շարքից՝ գորգագործության թեմատիկային նվիրված նամականիշներ: Տարվա ընթացքում կթողարկվեն Մոնթե Մելքոնյանին և Շահեն Մեղրյանին, ինչպես նաև Մեծի Տանն Կիլիկիո կաթողիկոս Գարեգին Հովսեփյանի 150-ամյակին նվիրված դրոշմանիշներ: Տարին կեզրափակենք «Արցախի պետականության ավանդույթները» շարքից նամականիշների թողարկմամբ»,-ասել է Գ. Գրիգորյանը և հավելել, որ տարվա ընթացքում թողարկվում է մոտ 310 հազար նմուշ:

Տնօրենի հաղորդմամբ` «Արցախփոստ»-ն, ի տարբերություն աշխարհի մյուս չճանաչված պետությունների փոստային ծառայությունների, մշտապես մասնակցում է Եվրոպական փոստային օպերատորների ասոցիացիայի` ՓոստԵվրոպայի, «Եվրոպա» նամականիշերի ամենամյա մրցույթին: Յուրաքանչյուր տարի նամականիշի համար ընտրվում է մեկ ընդհանուր թեմա, և անց է կացվում թողարկված նամականիշերի մրցույթ:

Գ. Գրիգորյանի խոսքով` այս տարի «Ամրոցներ և բերդեր» թեմայով նամականիշի մրցույթին ընկերությունն արդեն ներկայացրել է երկու նամականիշ` Ամարասի վանքի և Ասկերանի բերդի պատկերներով:

Գործադիր տնօրենի հավաստմամբ «Արցախփոստ»-ի նամականիշերն աշխարհի շատ երկրներում մեծ պահանջարկ են վայելում և մշտապես արժանանում են միջազգային ֆիլատելիստական կազմակերպությունների բարձր գնահատականներին:

«Մի քանի օր առաջ Գերմանիայից շուրջ 300 թերթ նամականիշի պատվեր ենք ստացել»,- ասել է Գ. Գրիգորյանը և ավելացրել, որ ընկերությունը հաջողություններ է գրանցել նաև նամականիշերի թեմատիկ հավաքածուների մասով: Մասնավորապես՝ 2016 թվականին թողարկվել է 14 անուն-նամականիշ՝ 221 հազար ընդհանուր տպաքանակով և մեկ գեղաթերթիկ՝ 7 հազար տպաքանակով:

«Տարեցտարի աճում է ավանդական փոստային ծառայություններից օգտվողների թիվը, բնականաբար նաև՝ մեր հանրապետությունից արտերկիր առաքվող և ստացվող փոստային առաքանու՝ նամակների և ծանրոցների ծավալները: Մեր հանրապետության բնակիչներն անմասն չեն նաև էլեկտրոնային առևտրից: Եթե փոստային ծառայություններով 2014 թվականին մեր ընկերությունն աշխարհի տասնյակ երկրներից ստացել, մշակել և բնակչությանն է տրամադրել 22 հազար 672 փաթեթ և ծանրոց, 2015 թվականին՝ 26 հազար 400 փաթեթ և ծանրոց, ապա 2016-ին այդ թիվը հասել է 45 հազար 200-ի»,-ավելացրել է Գ. Գրիգորյանը:

Սակայն տեղեկատվական   նոր    տեխնոլոգիաների հետևողական զարգացումն, ըստ «Արցախփոստ» ՓԲԸ գործադիր տնօրենի, բացասաբար է ազդել փոստային ծառայության մեկ այլ՝ հեռագրերի ընդունման և առաքման բնագավառին:

«Անցած տարի արցախցիների հասցեով ստացված և արտերկիր ուղարկված հեռագրերի դիմաց ստացել ենք ընդամենը 796 հազար դրամ գումար՝ 2015 թվականի համեմատությամբ՝ 11 տոկոսով պակաս»,- հայտնել է Գ. Գրիգորյանը:


     

Քաղաքական

Լավրովն ու Բայրամովը քննարկել են Լաչինի միջանցքի շուրջ ստեղծված իրավիճակը. ՌԴ ԱԳՆ

Ռուսաստանի և Ադրբեջանի արտգործնախարարներ Սերգեյ Լավրովն ու Ջեյհուն Բայրամովն այսօր հեռախոսազրույցի ընթացքում քննարկել են Լաչինի միջանցքի շուրջ ստեղծված իրավիճակի կարգավորման ուղիների հարցը։

Շարունակվում են բանակցությունները Ստեփանակերտ-Գորիս ճանապարհով անխոչընդոտ շարժը վերսկսելու վերաբերյալ. ՌԴ ՊՆ

Ռուսաստանի խաղաղապահ զորախումբը շարունակում է Լեռնային Ղարաբաղում իր առջև դրված խնդիրների կատարումը:

Չավուշօղլուն հույս է հայտնել, որ Հայաստանը կկարողանա միանալ տարածաշրջանային ծրագրերին

Թուրքիայի արտգործնախարար Մևլութ Չավուշօղլուն հույս է հայտնել, որ Հայաստանն ապագայում կկարողանա միանալ տարածաշրջանային ծրագրերին:

«Հայաստանը նոր ականներ է տեղադրել մեր բնակավայրերում և դրանց մոտակայքում ու ականները տեղափոխել է Լաչինի միջանցքով»․ Ադրբեջանի ներկայացուցիչը՝ Հաագայի դատարանում

«Ադրբեջանը դատարանին է դիմում խնդրանքով՝ դադարեցնել ադրբեջանցիների՝ էթնիկ և ազգային պատկանելության հիմքով շարունակական սպանությունները 2020-ի նոյեմբերին ստորագրված հայտարարությունից հետո ՀՀ-ի կողմից տեղադրված պայթուցիկ սարքերի միջոցով»,- ՄԱԿ-ի Արդարադատության միջազգային դատարանում (ICJ) Ադրբեջանն ընդդեմ Հայաստանի գործով բանավոր լսումների ժամանակ հայտարարեց Ադրբեջանի փոխարտգործնախարար, արդարադատության միջազգային դատարանում այդ երկրի ներկայացուցիչ Էլնուր Մամեդովը։

Տնտեսական

Ջեռուցվող ջերմատների տնտեսավարողներին պարարտանյութ կտրամադրվի

Ջեռուցվող ջերմատնային տնտեսություններում բանջարեղենի և ծաղկի արտադրությամբ զբաղվող տնտեսավարողները  կարող են դիմել ԱՀ գյուղատնտեսության նախարարություն բույսերի համար անհրաժեշտ օրգանական պարարտանյութ ստանալու համար:

Ապրանքատեսակների իրացման բարձր գների առնչությամբ իրականացվում են գնագոյացման ուսումնասիրություններ. ՀԾՏՄԿ հանձնաժողով

Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի, տեսչական և հարկային մարմինների աշխատանքային խմբերի կողմից իրականացվող դիտանցումների արդյունքում արձանագրվող և հանրության կողմից բարձրացվող՝ ապրանքատեսակների իրացման բարձր գների հետ կապված խնդիրների վերաբերյալ Հանձնաժողովի կողմից իրականացվում են գնագոյացման ուսումնասիրություններ: 

Հասարակական

Բաքուն հավաքել է ականները ՀՀ ինքնիշխան տարածքից. Հաագայում հայկական կողմն արձագանքում է Ադրբեջանի պահանջներին

Միջազգային իրավական հարցերով Հայաստանի ներկայացուցիչ Եղիշե Կիրակոսյանը Հաագայում պատասխանեց Ադրբեջանի այն կեղծ պնդումներին, թե իբր Հայաստանն ականներ է տեղափոխում Լաչինի միջանցքով և դրանք տեղադրում բնակավայրերի մոտ։

Զարեհ Սինանյանը Վսեվոլոժսկում հանդիպել է Լենինգրադի մարզի հայկական համայնքների ներկայացուցիչների հետ

Ռուսաստան աշխատանքային այցի շրջանակներում ՀՀ սփյուռքի գործերի գլխավոր հանձնակատար Զարեհ Սինանյանը Լենինգրադի շրջանի Վսեվոլոժսկ քաղաքում էր։

Անընդունելի ենք համարում խաղաղապահների հետ կապված ցանկացած չստուգված տեղեկության հանրայնացումը. ԱՀ դատախազություն

Արցախի Հանրապետության դատախազությունը հայտարարություն է տարածել սոցցանցերում շրջանառվող, Արցախում խաղաղապահ առաքելություն իրականացնող ռուս զինվորականների կողմից ենթադրյալ հափշտակություններ կատարելու մասին, հրապարակումենրի վերաբերյալ:

Ռազմական

Տեսանյութեր

ավելին

Ամենադիտված

ամիս

շաբաթ

օր

Հունվարի 26-ի հովհարային անջատումների գրաֆիկը

Հունվարի 30-ի հովհարային անջատումների գրաֆիկը

Հունվարի 29-ի հովհարային անջատումների գրաֆիկը

Բաքվի պլանը հետեւյալն է՝ մի քանի օրով բացել միջանցքը՝ ակնկալիքով, որ հայերը զանգվածաբար կլքեն իրենց տները. Փաշինյան

Բրիտանական կազմակերպությունը 350 000 ֆունտ ստերլինգ է հատկացրել Լաչինի միջանցքի շրջափակումից տուժածներին

Բնակչությանը կոչ ենք անում բարեխղճորեն կատարել դեկտեմբերի կոմունալ վճարումները․ Տեղեկատվական շտաբ

Արցախի գազամատակարարումը վերականգնվել է

Այսօր՝ ժամը 15:00-ից, Ստեփանակերտի բնակչության համար գազի մատակարարումը կվերականգնվի

Դոլարի, եվրոյի և ռուբլու փոխարժեքն` այսօր

Search