Ճապոնիան միջազգային հանրության հետ մեկտեղ կհասնի Հյուսիսային Կորեայի հարցով ՄԱԿ ԱԽ կողմից ընդունված բանաձեւերի խստագույնս կատարմանը։
Ճապոնիան կհասնի Հյուսիսային Կորեայի նկատմամբ ընդունված ՄԱԿ ԱԽ բոլոր բանաձեւերի կատարմանը
ՍՏԵՓԱՆԱԿԵՐՏ, 4 հունվարի, ԱՐՑԱԽՊՐԵՍ: Այս մասին թվականի առաջին մամուլի ասուլի ժամանակ հայտարարել է 2018 երկրի վարչապետ Սինձո Աբեն, հաղորդում է ՏԱՍՍ-ը։
«Հյուսիսային Կորեայի հարցում մենք կշարունակենք սերտ համագործակցություն ծավալել Ռուսաստանի եւ Չինաստանի հետ»,-ընդգծել է նա: Աբեն հավելել է, որ Տոկիոն միջազգային հանրության հետ միասին ձգտում է հասնել Հյուսիսային Կորեայի հարցով ՄԱԿ-ի Անվտանգության խորհրդի կողմից ընդունված բոլոր բանաձեւերի խստագույնս պահպանմանը:
Վարչապետը նաեւ նշել է, որ Ճապոնիայի կառավարությունն այս տարի ակտիվորեն առաջ կմղի Հյուսիսային Կորեայի ներկայիս քաղաքական կուրսը փոխելու դիվանագիտությանը։ «Մենք կշարունակենք վարել ակտիվ դիվանագիտական քաղաքականություն, որը ուղղված կլինի Փհենյանի կուրսի փոփոխությանը»,-ասել է նա:
Բացի դրանից, Աբեն ասել է, որ Ճապոնիան կուժեղացնի իր պաշտպանական ներուժը Հյուսիսային Կորեայից աճող միջուկային հրթիռային սպառնալիքի ֆոնին: Միեւնույն ժամանակ, կառավարության ղեկավարը չի հստակեցրել, թե ինչպես է տեղի ունենալու այս գործընթացը:
ԱՄՆ նախագահ Դոնալդ Թրամփի վերջերս Ճապոնիայի կատարած այցի ժամանակ Աբեն հայտարարել էր, որ Հյուսիսային Կորեայի ակտիվության պատճառով տարածաշրջանում վատթարացող իրավիճակի պայմաններում իր երկիրը մտադիր է ամերիկացիներից ձեռք բերել տարբեր զենքեր։
Ճապոնիայի կառավարությունը անցյալ տարվա դեկտեմբերին որոշել էր ճապոնական գլխավոր կղզու՝ Հոնսյուի հյուսիսային ու հարավ-արեւմտյան մասերում ամերիկյան Aegis Ashore հակահրթիռային պաշտպանության համակարգեր տեղակայել, որը ճապոնական կողմի հավաստամամբ, պետք է երկիրը պաշտպաներ բալիստիկ եւ թեւավոր հրթիռների արձակումներից։
Այս սարքավորումները կարժենան մոտ 100 մլրդ յեն (մոտ 889 մլն դոլար): Ակնկալվում է, որ Ճապոնիայում Aegis Ashore-ի տեղակայումը կավարտվի մինչեւ 2023 թվականը:
Կորեական թերակղզում իրավիճակը վատթարացել է 2017 թ. նոյեմբերի վերջին, երբ Փհենյանը իրականացրել էր երկուս ու կես ամսվա ընփացքում առաջին հրթիռի արձակումը: Հյուսիասյին Կորեան արձակման արդյունքում հայտարարել էր, որ հրթիռը կարող է միջուկային գլխիկ կրել, իսկ դրա խոցման թիրախում ամբողջ ՄԱՆ տարածքն է։Ի պատասխան Անվտանգության խորհուրդը միաձայն ընդունել էր Հյուսիսային Կորեայի նկատմամբ պատժամիջոցների խստացման բանաձեւ: