Հեղինակավոր «Stratfor» պարբերականը տպագրել է քաղաքական գիտության Հայաստանի ասոցիացիա հ/կ գործադիր տնօրեն Բենիամին Պողոսյանի հայ-թուրքական հարաբերությունների վերաբերյալ հոդվածը, որում նշվում է, որ հարաբերությունների 8 տարվա զարգացումը նկատի ունենալով, հույսի նշույլ անգամ չկա, որ առաջիկա 2-3 տարիների ընթացքում որևէ բեկում կլինի։
Stratfor. Առաջիկա 2-3 տարիների ընթացքում հայ-թուրքական հարաբերություններում որևէ բեկում չի լինի
ՍՏԵՓԱՆԱԿԵՐՏ, 18 հունվարի, ԱՐՑԱԽՊՐԵՍ: Վերջինս անդրադարձել է ՀՀ նախագահ Սերժ Սարգսյանի՝ ՄԱԿ-ի Գլխավոր Ասամբլեայում արված այն հայտարարությունը, որ Թուրքիայի ղեկավարությունը սխալվում է, եթե կարծում է, որ հայ-թուրքական արձանագրությունները կարող են մեկընդմիշտ պատանդ լինել և միայն վավերացվեն Թուրքիայի տեսանկյունից առավել հարմար պահի։
«Սարգսյանն ընդգծել էր, որ Հայաստանն այս երկու արձանագրությունները անվավեր կճանաչի և 2018թ գարուն մուտք կգործի առանց դրանց։ Հայաստանի տեսլականը պարզ է։ Թուրքիայի՝ մշտապես մերժման մոտեցումը, միայն ավելի է խորացնում երկու երկրների միջև վստահության բացակայությունը և այլևս անհնար է այն հանդուրժել։
2018թ ապրիլ Հայաստանի կիսանախագահականը համակարգից կանցնի Խորհրդարանական Հանրապետության։ Ամիսներ անց Հայաստանը կտոնի Հայաստանի առաջին Հանրապետության ստեղծման 100-րդ տարելիցը, որի համար Սփյուռքից հազարավոր ազդեցիկ հայերը կայցելեն Հայաստան։ Այս իրադարձությունները նաև ստեղծում են ներքին քաղաքականության խթաններ, որոնք Թուրքիայի համար այնքան էլ լավ չեն։
Թուրքիայում 2019թ-ին նախագահական և խորհրդարանական ընտրություններ են լինելու, որոնք վճռորոշ կլինեն։ Նախագահ Էրդողանը պատրաստվում է երկրորդ առաջադրվել ընտրություններում՝ նպատակ ունենալով պահպանել իսլամական և ազգայնական ընտրողներին։
Ոչ մի միտում չկա, որ կվերակենդանանա հայ-թուրքական արձանագրությունները, եթե միայն բեկում չգրանցվի ԼՂ հակամարտության կարգավորման գործընթացում, որն այնքան էլ հավանական չէ, հատկապես 2016թ ապրիլի շփման գծում տեղի ունեցած էսկալացիայից հետո»,- Panorama.am-ի փոխանցմամբ՝ գրել է վերջինս։
Հոդվածագիրն անդրադառնալով Սիրիայում և Իրաքում տեղի ունեցող իրադարձություներին, գրում է, որ նման աշխարհաքաղաքական առեղծվածում, Հայաստանի հետ հարաբերությունները Թուրքիայի արտաքին քաղաքականության առաջնահերթությունների շարքում չէ։
«Քիչ հավանական է նար, որ դրսի դերակատարները կամք կամ ուժ կունենան Թուրքիայի վրա ճնշում գործադրել Հայաստանի հանդեպ իր դիրքորոշումը փոխելու համար։
Ամենահավանական սցենարը կլինի ընթացիկ ստատուս քվոյի պահպանումը, դիվանագիտական երկու ձևաչափերի, տարբեր նախագծերի միջով փորձագետների և քաղաքացիական հասարակությանը միավորելը։
Երկարաժամկետ հեռանկարում այս զարգացումները կօգնեն պայմաններ ստեղծել երկու հասարակությունների միջև վստահության բացակայությունը հաղթահարելու համար, ինչն իր հերթին կօգնի վերսկսել երկկողմանի հարաբերությունների կարգավորումը»,-գրել է Պողոսյանը։
