Artsakhpress

Հասարակական

Արայիկ Հարությունյանը մասնակցել է Գետավանի նորակառույց համայնքային կենտրոնի բացման արարողությանը

Արցախի Հանրապետության պետական նախարար Արայիկ Հարությունյանը մայիսի 18-ին մասնակցել է Մարտակերտի շրջանի Գետավան գյուղի նորակառույց համայնքային կենտրոնի բացման հանդիսավոր արարողությանը:

Արայիկ Հարությունյանը մասնակցել է Գետավանի նորակառույց համայնքային կենտրոնի բացման արարողությանը

Արայիկ Հարությունյանը մասնակցել է Գետավանի նորակառույց համայնքային կենտրոնի բացման արարողությանը

ՍՏԵՓԱՆԱԿԵՐՏ, մայիսի 19, ԱՐՑԱԽՊՐԵՍ: ԱՀ պետական նախարարի աշխատակազմի տեղեկատվության և հասարակայնության հետ կապերի բաժի փոխանցմամբ՝ «Հայաստան» համահայկական հիմնադրամի Ֆրանսիայի տեղական մարմնի և Արցախի կառավարության համաֆինանսավորմամբ կառուցված բազմաֆունկցիոնալ համայնքային կենտրոնի բացման միջոցառմանը մասնակցում էր նաև Հիմնադրամի պատվիրակությունը, որի կազմում էին 19 երկրներում գործող տեղական մարմինների ատենապետերը և ներկայացուցիչներ՝ գործադիր տնօրեն Արա Վարդանյանի գլխավորությամբ:


Պետական նախարարը շնորհակալություն է հայտնել բարերարներին աջակցության համար՝ նշելով, որ Գետավանի համայնքային կենտրոնը շատ պահանջված էր համայնքի բնակչության համար: Ա. Հարությունյանն ընդգծել է, որ ինչպես Գետավանը, այնպես էլ վերջերս շահագործման հանձնված Վարդենիս-Մարտակերտ մայրուղու վրա գտնվող մյուս բնակավայրերը, նկատելի առաջընթաց են ապրում, և տարածաշրջանի զարգացումը շարունակելու է գտնվել կառավարության ուշադրության կենտրոնում:

«Շատ ուրախալի է, որ Արցախի զարգացման ծրագրերի մեծ մասին ինչպես նախկինում, այնպես էլ այսօր, իրենց կարևոր մասնակցությունն են ունենում սփյուռքահայ մեր հայրենակիցները: Այդ աջակցությունն արտահայտված է ոչ միայն ֆինանսական ներդրումներով, այլև հաճախակի Արցախ այցելելով, բարոյական ու մասնագիտական աջակցությամբ»,- ասել է Ա. Հարությունյանը:

«Հայաստան» համահայկական հիմնադրամի գործադիր տնօրեն Արա Վարդանյանը իր ելույթում շնորհակալություն է հայտնել Արցախի կառավարությանն արդյունավետ համագործակցության համար և նշել է, որ արդեն ավանդական դարձած այցի նպատակն է բարերարներին ծանոթացնել այն նախագծերին, որոնք Հիմնադրամի միջոցներով իրականացվում են Արցախի տարբեր բնակավայրերում: Նրա խոսքով՝ նման այցերը լավագույն միջոց են մեկ անգամ ևս համոզվելու «Հայաստան» համահայկական հիմնադրամի կողմից իրականացվող ծրագրերի արդյունավետության մեջ և, դրանով պայմանավորված, Արցախի բարեկեցիկ ապագայի կառուցմանը նպաստելու գործում:

Նշենք, որ Գետավանի համայնքային կենտրոնն իր մեջ ներառում է գյուղապետարան, հանդիսությունների դահլիճ, գրադարան, համակարգչային սենյակ: Շենքը կահավորվել է և ունի ջեռուցման ու օդափոխության համակարգ: Գետավանի գյուղապետարանը նախկինում գործել է դպրոցի դասասենյակներից մեկում:


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՄԱԿ-ի Միջազգային դատարանը ճանաչել է ԼՂ անկախությունը Ադրբեջանից․ ՀԴԿ

Պատարայից՝ Աստղաշեն. Արցախում նոր ճանապարհներ՝ աշխարհասփյուռ նվիրատուների միջոցներով

Ռուս խաղաղապահներն Արցախում արկեր են վնասազերծել. տեսանյութ

Հակառակորդի կրակոցից ժամկետային զինծառայող է զոհվել. ՀՀ ՊՆ

ՌԴ կառավարությունը հավանություն է տվել Վերին Լարսից ոչ հեռու նոր անցակետի տեղակայմանը

Վթարի են ենթարկվել ՊԲ զինծառայողները, մեկը մահացել է, 4-ի վիճակը ծանր է. ԱՀ ՊԲ

Ջրականում ականի վրա ադրբեջանցի է պայթել

Ադրբեջանը, հին ավանդույթի համաձայն, թաքցրել է մարտական կորուստները եւ դրանք ներկայացրել որպես դժբախտ դեպքեր

Ադրբեջանի պաշտպանության նախարարության տարածած հաղորդագրությունն ապատեղեկատվություն է. ՀՀ ՊՆ

Search